باتاشو البطاطس طبق حصري من مطبخي لاموله ومعجنات البطاطس
السلام عليكم ورحمه الله
وحشتوني واسفه ياأموله عالتأخير
بس غصب عني
المهم النهارده انا جايبه معايا وصفه يمكن تكون من ابتكاري
مش عارفه يمكن يكون حد عملها قبل كده
الله اعلم \
وهي
باتاشو البطاطس
ببساطه هيه عجينه الباتاشو بضفلها بطاطس وبتبقى صنف حوادق
المقادير
ده لفرد واحد يعني المقدار ده على قد اولادي الاتنين يعني ممكن نضاعفه
حبة بطاطس مسلوقه كويس جدا
بيضه
3 ملاعق دقيق
كوب ماء
نص كوب لبن
ربع كوب زيت او زبده
ملح وفلفل اسود
رشه ملح ورشه سكر
جبنه صفرا للتزيين
هنسلق البطاطس ونهرسها كويس وهيه سخنه
ونشيلها على جنب
نحط الميه ورشه ملح وسكر والزيت على النار
واول متغلي نحط الدقيقمرة وحده ونقلب بسرعه علشان متكلكعش معانا حوالي اربع دقايق
لغايه مالدقيق يلم ويستوي
نطفي ونضيف البطاطس ونقلب كويس
بعدين اللبن
ونقلب بعدين البيضه ونزبط الملح ونرش فلفل اسود
ولازم تكون حركتنا سريعه نقلب لغايه متبقى كريمي
نحطها فكيس حلواني ونشكلها
نرش عليها جبنه مبشوره او من غيرها
انا عملت كده وكده
وندخلها فرن محمى على 180 لغايه متستوي بعدين نحمر وشها
ونقدمها مع اي صوص انا قدمتها مع الكاتشب
كوجبة افطار بسيطه ومغذيه
طبعا الاشكال زي متحبي انا عملت ارقام ومرات حروف او اسماء الاولاد
وكمان ابني كان يقترح الشكل الي عايزه
اتمنى يكون طبقي عجبكم
ولاااااتنسوا اولادي من الدعاء
.
رد مع الاستدلال
كتبت بواسطة hoba essam
الروابط المفضلة