** وصفة الاسبوع **.::. أول مشاركة لي .::. البيتزا من مطبخي .::. وعلى طريقتي .::. .../
السلام عليكم
كيفكم اخواتي في الله
انا عملت هالبيتزا قبل اكم يوم قلت خليني احط طريقتها بالمنتدى
لعل وعسى تعجبكم الطريقة باذن الله ... هاي الطريقة كتير زاكية
وشهية وان شاء الله بتجربوها ... وأكيد بتعرفو طرق البيتزا كثيرة
طبعا الطريقة مع الصور من مطبخي ... والبيتزا بالنسبة للعجينة امي
الي عملتها لاني ما بعرف اعجن :$
لساني صغيرة ع العجين ههههههههه
يلا سيبونا من الطويلة وخليني اكتبلكم الطريقة ...
أولا : العجينة
مقدار من الطحين تقريبا 2 كيلو
وكاسة لبن (روب )
وكاسة زيت نباتي .. أو قالب من الزبدة
بيضة واحدة
ملعقة خميرة
ملعقة ملح ....
وطبعا نستخدم المياه للطراوه اثناء العجن ...
---------------------------
أما عن البيتزا ... فنحضر المكونات
وهي عبارة عن فطر (مشروم)
انا أحضرت 3 علب ... ما بعرف كم وزنهم بالزبط
3 حبات بندورة ( طماطم )
3 حبات فليفلة خضراء او ملون
كمية من الزيتون .. الاسود والاخضر حسب الرغبة ..
باستطاعتك شراء علب زيتون جاهزة .. او استخدام الزيتون من المنزل..
انا طبعا استخدمت زيتون من البيت شغل ايدينا لانو كتير الذ
بامكانك ان تضعي حبات من الذرة الصفراء والمرتديلا او النقانق ايضا تعطي
طعم جميل لكني لم استخدمت الذرة ووضعت القليل من المرتديلا ....
الان نقوم بتقطيع البندورة قطع صغيرة مثل السلطة ... ونقوم بتشريح الفليفلة شرائح طولية ... ونقوم بتصغير حجم الفطر ان لم يكن مقطع .. ونضع الفليفلة الخضراء مع البندورة على نار متوسطة .. حتى تتذبل الفليفلة الخضراء .. وبعد ذلك نقوم باضافة الفطر ... ونقوم بوضع البهارات اللازمة والملح ...
والكمية هي ملعقة ملح صغيرة ... ورشة فلفل احمر حار ..
انا بس هاد الي حطيتو لحتى يضل طعم الخضار ...
كما في الصورة جميع المكونات مع بعضها على نار متوسطة
...........................
الان نأتي الى التحضير الأخير
نقوم بفرد العجينة في الصينية المطلوبة ... ونحاول ترقيقها .. لانه كل ما كانت
العجينة رقيقه كل ما كانت البيتزا ألذ .....
كما في الصورة
ونقوم بوضع الكتش أب أو صلصة البندورة على ظهر العجينية ونقوم بتدهينها عليها
كما في الصورة ....
والان نقوم ببشر كمية قليلة من الجبنة الصفراء على ظهر العجينة
انتبهي ان تكون الكمية قليلة ... كما في الصور
نقوم الان بفرد الزيتون على ظهر العجينة التي عليها الجبنة الصفراء والكتش أب
كما في الصورة
والان نضع المكونات التي احضرناها ونضعها فوق العجينة بحيث تغطي جميع انحاء الصينية بكميات متساوية تقريبا
وبقيت الخطوة القبل الأخيرة ... وهي ان نبشر كمية من الجبنة الصفراء على ظهر المكونات وهي اخر طبقة ... ونفرد كمية جيدة عليها لا تكون كثيفة ولا تكون قليلة
كما في الصورة
والان نقوم بوضع البيتزا في الفرن لحد ما تتحمر .. وتستوي العجينة
بالبداية نضعها من الاعلى الى ان نرى اطرف الخبز قد تحمرت بتكون استوت من تحت
وبعدين بنحطها من تحت لحتى يتحمر وجهها
والنتيجة ... هاي قطعة من البيتزا .. لأني نسيت اصور الصينية كاملة هههههه
....
بتمنى يكون شرحي واضح
وتكون عجبتكم الطريقة
تقبلوا احترامي
اختكم
فلسطين
رد مع الاستدلال
[
الروابط المفضلة