** موضوع متميز ** سندويتشات الجمبري اللذيذة
النهاردة حبيت انزل حاجات خفيفة كده لان الصيف بيحب البساطة في الاكل اوي وكنت عاوزة اغير فقلت اعمل سندويتشات جمبري وسلطة خضراء بالجمبري والمايونيز وكفتة جمبري لعمر ابني الصغير عشان لسه مش بيستطعم ولا بيحب سندويتشات الجمبري فبديهاله كفتة عشان يعرف ياكلها لانه صغير لسه.، ندخل في الموضوع،،،السلام عليكم ورحمة الله وبركاته
المقادير:سندويتشات الجمبري
3/4 كيلو جمبري لحم وسط او المتوفر بس ما يكونش صغير اوي
التتبيلة( ثوم مفروم- كرفس مفروم ناعم- ملح قليل جدا - كمون- بهار سمك- بصلة مفروم ناعم خالص ويستحسن تكون حمراء- بياض بيضة- فلفل اسمر- ملعقة صغيرة صويا صوص- عصير ليمونة- قليل من المستردة)
للتغطية خليط من (بقسماط ناعم+ دقيق + بهار السمك)
زيت غزير
عيش صامولي مدهون بخليط ( سلطة طحينة بالبقدونس+ ملعقة كبيرة مايونيز)
خس للتزيين
الطريقة:
1- يغسل الجمبري بالماء جيدا حتى تزول عنه الاتربة واي شوائب ثم نضعة بمصفاة ونحضر التتبيلة السابقة ونضعه بها ونتركه لمدة ساعة كاملة على الاقل وده شكلة مع التتبيلة
2- نجهز البقسماط والدقيق وبهار السمك ونغطي به الجمبري جيدا ونتركه في الثلاجة او البراد لمدة لا تقل عن نصف ساعة ثم يحمر بزيت غزير ولا نزيد الكمية عند التحمير حتى لا يلتصق ببعضه ثم ينشل على ورق مطبخ.
3- ندهن العيش بدهان الطحينة والمايونيز ونفرش الطبق بالخس ونرص عليه السندويتشات ويقدم وبالهنا والشفا، وده الشكل النهائي، اظن مفيش اسهل ولا ابسط ولا اطعم من كده،،،
رد مع الاستدلال
كتبت بواسطة cliopatra
[
الروابط المفضلة