مشاركتى فى معجنات قليلة السعرات (رغيف البيتزا لمنال العالم )
السلام عليكم ورحمة الله وبركاته
بعد غياب وانشغال عنكم رجعتلكم وبقلكم وحشتوووووونى اوى اوى وكمان بمناسبة الاجازه والعجانه الجديده بتاعتى طبعا كينود واللى من ساعة ما جبتها وانا هااااتك يااااعجن يعنى الموضوع جه على دماغى بس طبعا انتم اللى بتشجعونى دايما ووصفاتكم الحلوه اللى بتقدموها فى منتدنا الجميل وقسمنا الاجمل هيا اللى بتفتح نفسنا للت والعجن وبشارك معاكم فى مسابقة المعجنات قليلة السعرات ويارب ألحق وبقدم ليكم طريقه جديد لمنال العالم عجبتنى اوى وهى رغيف البيتزا بس طبعا داااااااااايت ويارب تنال اعجابكم كفايه رغى بقى وندخل فى المضمون على طول
المقادير
3كوب دقيق (طبعا انا استخدمت 2 كوب دقيق اسمر وواحد كوب دقيق ابيض )
3 ملعقه كبيره لبن بودره طبعا خالى الدسم
1ملعقه كبيره خميره
1ملعقه صغيره ملح
1\2ملعقه صغيرهBB
2ملعقه صغيره اوريجانو
2ملعقه صغيره ريحان
2ملعقه كبيره سكر
1\4 كوب زيت زيتون
1كوب ماء دافىء
الحشو
انا عملت رغيفين واحد حشيته تونه والتانى خلطة دجاج والخلطتين استخدمت معاهم نفس المكونات الاتيه
صلصة بيتزا عباره طبعا كلكم عارفينها ياحلوين
\ جبن شيدر \جبن موتزريلا\فلفل رومى \خلطةفراخ عباره عن قطع دجاج مسلوقه ومتشوحه فى شوية زيت زيتون ومع بصله مفرومه ناعم وطبعا فلفل اسود وملح وزعتر واريجانو وفى الاخر رشة بقدونس مفروم تتخلط معاهم
ندخل دلوقتى على الصور بس اوعو تضحكو عليا انا بقلكم اهو اختكم لسه جديده فى موضوع الصور والذى منه ماشى اه اللى اوله شرط اخره نور والا هاحرمكم من متعة تصويرى وفنى هههههههه يالا ندخل فى الجد اولا تعجن العجينه كويس وتترك تخمر
وده بعد التخمير
بعد كده نقسم العجينه نصفين علشان نعمل رغيفين ونفرد كل رغيف عل شكل مستطيل طويل وندهنه بصلصة البيتزا
وبعد كده نبدء برص مكونات الخلطه بالتدريج وحسب ذوقك والصوره هاتوضح ليكى
وبعد كده نبدء بلف الرغيف زى السويسرول واخر لفه نخليها لتحت ونحطها فى صاج مدهون او مرشوش بالدقيق او فى صينيه قصيره الحافه نتركها ربع ساعه وبعد كده ندهنا الوجه بشوية لبن وندخلها الفرن متوسط الحراره ونشوف باقى الصور
ودى بعد ما طلعت من الفرن ريحتها كانت ممممم مش عايزه اقولكم شوفو وانتم احكموا
ها ايه رايكم ؟؟؟؟؟ودى كمان بعد التقطيع
كفايه كده ولا كمان لا كفايه حراااام تصدقو فى صور كتير كمان اختفت مش لاقياها المهم
يارب تكون البيتزا عجبتكم وياريت تجربوها فعلا جديده وجميله وهاتعجب ولادكم وفى نفس الوقت خفيفه ودايت علشان الرشاقه والرجيم يا حلوين يالا مستنيه ردودكم الحلوه لانها بجد وحشتنى وبحبكم كلللللللكم فى الله
اااااااه نسيت احط اسمى على الصور شفتو بقى ادى نتيجة التسرع طب اعمل ايه مش عارفه انا هاعرض الموضوع كده احسن تعبت خااااالص النهارده ولو تكرمتم لو ينفع حد يحط اسمى لحفظ حقوق الملكيه او لو حد شاطر منكم ولا خلااااص راحت عليا يالا مش مهم خيرها فى غيرها المهم انى مبسوطه انى النهارده بشارك معاكم بموضوعى البسيط ده يارب يعجبكم
رد مع الاستدلال
كتبت بواسطة amal250
الروابط المفضلة