طريقة عمل عجينة البيتزا لها اهمية فى نجاح طعم البيتزا
واليكم خبرتى المتواضعة فى ذلك .. بعد سنين طويلة من الحروب لعمل بيتزا ناجحة والكثير من التجارب المؤلمة
... والكثير من التجارب الناجحة
.... نصحتنى احدى صديقاتى اللى ربنا يكرمها بجد بدعى لها كل ما بعمل البيتزا لان ضيوفى دايما بنبهرو بجمال العجينة ولو انها معمولة بخدعة بسيطة جدا هقولكم عليها بس ده سرررررررررر اوعو تقولوه لحد خصوصا الرجالة الحلوين الى دايما بيرفعو من روحنا المعنوية
السر هو انى بعمل العجينة من عجينة العيش الفينو ( الافرنجى ) يعنى بروح الفرن واجيب ب 2 جنيه عجينة عيش فينو . . لا استنو .. استنوا
مش بس كدة لسة الاضافات تحطى عليها الزعتر المبشور .. وقليل من الملح ونصيحة اوعى تضيفى لها البيض مباشرة.. لانك لو حاولتى تعجنى العجينة الجميلة الخمرانه دى بالبيض هتتحول الى قطع اشبة باللبان اللممضوغ ومش هتشرب البيض بسهولة
بس صديقتى قالت لى لو عاوزة تضيفى 2 بيضة يبقى لازم الاول تعجنى البيضتين بنصف كوب دقيق ثم تعجنى عجينة البيض مع عجينة العيش
وعاوزة اقولكم انى مش باضيف غير الزعتر والملح على العجين ثم افردها فى صينية كبيرة بسمك 1 سم واتركها تخمر مرة اخرى فى صنيتها اثناء تحضير المكونات اللى هنوضعها على الوجه .. يلا جربوها وخليكو فاكرين انه سرررررر خطيررررر هههههههههههه
رد مع الاستدلال
كتبت بواسطة حبة اللؤلؤ
[
الروابط المفضلة