السلام عليكم اخواتى الكرام
معلش انا عارفه انى طولت عليكم فى الغيبه ادعولى ربنا ييسر امورى الحمد لله
طبعا بعد غيبه مانزلتش مواضيع والجاجات دى عاملاها من كام شهر ومصوراه ومنزلاها عاى الكمبيوتر لكن محصلش نصيب انى انزلها قبل كده
صوره للتشويق
دى بيتزا عجينتها حلوه قوى وطريه ولذيذه جدا
المقادير
من 4 الى 4ونص كوب دقيق 4 اواب اساسى والنص احتياطى حسب نوع الدقيق وطبعا ده دقيق مخصوص للمعجنات -نخلط مع 4 كوب دقيق ربع م/ص بكنج بودر
2 م/ك سكر
2م/زبادى (روب )ممكن تبديلها بلبن رايب ربع كوب بتطلع رهيبه
قطعه خميره بيره قد البندقه مدعوكه مع ربع كوب ماء دافى+ ربع كوب ماء تانى للعجن وممكن استبداله بالحليب
ربع كوب زيت زيتون و ممكن اى نوع زيت
م/ص ملح لما بعمل من العجينه حلويات باضع معاها م/ك زبده واقلل الزيت و بتكون تحفه وطريه اكتر
الطريقه
نضع جميع المكونات فى العجانه ماعدا الملح و ربع كوب الماء للعجن و لما تبدا العجينه تتكون وتتعجن نضع
الملح فى الماء وندوبه ونضع الماء حبه حبه وخلاص نسيب العجينه تتعجن كويس قوى لحد ما تشديها بيدك تلاقيها عامله زى اللبانه ماشى زى كده
نغطيها ونتركها ساعه ونص الى ساعتين تتخمر
ونعدين نبدا نشكلها نحطها فى صينيه او الشكل اللى عايزينه ونغطيها ونتركها ربع ساعه و نضع الصلصه بتاعتها وان فى موضوع لياللبيتزا برضه عملت الصلصه يارب تكونوا فاكرينها
و بعدين نقطع من العجينه قلوب و نضع على البيتزا قطع صغيره من الموتزاريلا و نضع عليها القلوب و نضع الموتزاريلا على العجين و نرش جبنه بارميزان مبشورعلى القلوب بس وندخلها فرن حار 180 درجه لغايه ما تستوى وتتحمر من فوق
اللى فوق شكل وده شكل تانى
نفرد العجين فى الصينبه ونخمرها ربع ساعه و ندهنها صلصه و نقطع جزء من العجين مستطيل وندهنه صلصه ونلفه ونضعه على البيتزا و نرش باقى المتزاريلا و ندخلها الفرن وعل فكره بتكون زى بتاعه المطاعم الايطاليه واحلى كمان وبتعتمد على نوع المتزاريلا اكيد
ودى بالخضار بصل مقطع جوانح زيتون اسود مقطع وفلفل اخضر و طماطم مقعه بس طعمها رهيب خرافه
و دى ورود السبانخ
البانخ بعد غسلها وسلقها وعصرها وتنعيمها فى الخلاط نضع مهاها جبنه ريكوتا وشويه ملحو نفردها على العجين
و نلفا ونتركها تتخمر وندخلها الفرن لغايه ما تستوى و تتحمر
وبكده خلصنا الحمد لله
رد مع الاستدلال
الروابط المفضلة