**ملف متميز**تشكيلة معجنات من مطبخي ... بالصور ... اتفضلوا وقولولي رايكم
بسم الله الرحمن الرحيم ...
كيفكم يا حلوين ... يااارب يكون الجميع بخير ...
مش هاطول عليكم ومش هاحكيلكم قصة حياتي كالعادة وهادخل في الموضوع على طول ...
انا كان عندي بواقي حشواااات زي التونة وباقي لحمة مفرومة وسوسيس وجبنه ... قلت المهم كلهم واعمل بيهم فطاير ومعجنات مشكلة وقد كان ...
طبعا اي عجينة معتمدة عندك ...
اولا فطاير التونة ..عملتها سندويتش رولز ... الصراحة انا جبتها من المنتدى بس مش فاكرة فين اللي طبقها وكانت عجبني شكلها وانا طبقتها انا كمان ...
اسيبكم مع الصور ...
دا اول نوع حشيته تونة ...
وهنا بشرت عليها جبن شيدر
ولفيتها ودهنتها ودخلتها الفرن (معلش نسيت اصور الخطوة دي ) بس هتشوفوها في الاخر لما تستوي باذن الله ...
والنوع التاني عملته بالسوسيس ... زي طنط ام شادي على ما اتذكر ...
حطيت السوسيس ...
وهنا لفيت العجينة حوليه وبدات اقطع بالسكين
وهنا قطعتها حلقات
ودا شكلها بعد ما رصيتها في الصينية ...
والنوع التالت ... كان عندي لحمة مفرومة باقي من حواوشي اسكندراني عملته من فترة ...قلت اعمل تاني بس ميني ... على اد اللحمة اللي عندي ...
وهنا بعد ما غطيته بطبقة العجينة التانية
ا
اما النوع الرابع والاخير فهو بالجبنة والفلفل الاخضر ...
وعملتها زي المثلث...
بس ... وفي الاخر دهنت كل دا بالبيض ...ورشة نيسكافيه للزفارة
ودا كان الشكل في النهاية ...
(الشكل دا عملته برضو بالسوسيس بس نسيت اصور خطواته ...
وهنا بقى الصينية كلها ...
(الحواوشي على الجنب اليمين ...والسوسيس في النص زي ماهو باين ... وعلى الشمال فوق التونة ... وعلى الشمال تحت الجبنة ...
بس ...
قولولي رايكم ... وياريت مش تنسوني من دعواتكم بالله عليكم ليا ولآل بيتي ...
وجزاكن الله خيرا
رد مع الاستدلال
الروابط المفضلة