السلام عليكم ورحمة الله وبركاته
بعد الجزء الاول و تشجيعكم فكرت اعمل جزء تانى وبرضوا من عجينة العشر دقائق
عملت العجينه زى ما انتم عارفنها وقسمتها جزئين علشان اعمل منها الحادق والحلو
مش حطول عليكوا وندخل فى الصور على طول
اولا الحادق
عملت الحشوه جبنه قريش مع فيتا وملعقه صغيره زبده وهرستهم وحشيت
شكلت كرواسون بس نسيت اصوره قبل الخبز وبعدين عملت رولز وحشيته بنفس الحشوه مع اضافه جبنه رومى مبشوره وحبة البركه فى الحشو وانتم طبعا خبيرات فى اللفات وعارفنها وطبعا دهنت الوجه بالبيض مع رشة حبة البركه
ده قبل الخبز
وده الكرواسون بعد الخبز
وكمان الرولز بعد الخبز
طبق التقديم طبعا معرفتش اقدمه فى طبق شيك يليق بيكم لان الاولاد كانوا مستعجلين عليه
ثانيا الحلو
الجزء التانى من العجينه عملت دانش وكنت مجهزه كريمة الباتسيرى وعليها كريز ودهنت بيض
اول لما يخرج من الفرن دهنته بمربى سايحه على النار بنقطتين ماء
وده صورة التقديم
اتمنى انها تعجبكم بس اوعوا تبلغوا عنى فى ركن التغذيه والريجيم
احسن انطرد
الروابط المفضلة