السلام عليكم ورحمة الله وبركاته
ازيكم يا بنات عاملين ايه؟؟؟؟؟
انا النهارده عملت كانيلوني وحبيت يكون ده اول مشاركه ليا في القسم الجميل ده
وان شاء الله يعجبكم
اولا عجينة الكريب
طبعا عجينة الكريب ممكن استغلالها في الاطباق الحادقه والحلوه بس بدل الملح والفلفل نضع فانيليا
كوب ونص لبن
كوب دقيق
3بيضات
ملح وفلفل(علشان حادق طبعا)
في الخلاط نضع جميع المقادير ونضربها جيدا
وده حيكون شكلها
المرفق 97044
وبعدين علي البتوجاز نضع طاسه ويفضل تيفال وندهنها بشوية زيت صغيرين موت
وبكبشه صغيره نبتدي نضع العجينه في الطاسه علشان نعمل وحدات الكريب
المرفق 97045
وبعد ما تستوي طبعا مش بيستغرق اكتر من دقيقه لكل جهه نقلبه علي الجهه التانيه
وده شكل جميع فطائر الكريب بعد ماخلصت الكميه
المرفق 97046
اما الحشو ممكن تحشيه زي ما انتي عايزه لحمه او فراخ او جبنه كل حاجه تقريبا بس انا حشيته لحمه مفرومه بالفلفل والجزر
ودي سهله موووووت بعد ما تعصجي اللحمه المفرومه بالطريقه العاديه قبل ماتستوي تماما ضفيلها فلفل رومي مقطع وجزره مبشوه انا بعملها كده لاضافة القيمة الغذائيه يعني الموضوع اختياري
المرفق 97047
وبعد كده نعمل صلصة باشاميل خفيفه
2كوب لبن و3ملاعق دقيق وشوية زيت دره ونقلبهم كويش لحد ماتتقل ونضفهم للحمه بعد مانصفي الصوص اللي فيها كويس جدا
ونبتدي نحشي وحدات الكريب
ونرصها في الصينيه لحد مانخلص الكميه كلها
وبعدين نعمل صلصه عباره عن
زيت دره نقليب فيه بصله متوسطه واول مايبقي لونها وردي نضيف لها عصير طماطم
و2ملعقة صلصه وملح وفلفل ومعلقه صغيره سكر ونتركها تغلي جيدا ثم نوزعها علي الكانيلوني قبل وضعه في الفرن
ونسيبها في الفرن حوالي 20 دقيقه وبعد ماتخرجها نوزع علي الوش جبنه موتساريللا او رومي حسب الرغبه
المرفق 97043
وبالهنا والشفا
ويللا مستنيه ردودكم واراكم
الروابط المفضلة