** ملف متميز **الهمبرجر المحشي وكعكه طبقات باللحمه البارده مين جعان يتفضل

**wbaby** · 17-04-2009, 10:39 PM

السلام عليكم ورحمه الله
بما ان حملتنا الرائعه
دخلت فالاسابيع الدسمه

ووصلنا للحوم
اتنمى مشاركتي تعجبكم
تاخرت لكن لاني كل كام يوم بعمل حاجه
وفي طبق كمان بس هينزل فرداني
المهم
الهمبرجر البيتي
من الالف الى الياء

انا مصورتش معلش طريقه الهمبرجر لانها اصبحت معروفه
كسوله شويه
مقاديرها
كيلو لحمه مفرومه
بصله مفرومه ناااااااعم
ربع كوب بقسماط او توست بايت
ملح وفلفل اسود
معلقتين مسترده
معلقتين كاتشب
نعجنهم ونخبط جامد زي العجين بالزبط
ونريحهم بعدين نقرصهم ونعملهم فالقالب
انا مش بقليه بسخن مقلاه تيفال وبعمله على الناحيتين من غير ولانقطة زيت وهوه بينزل منه فيه يعني
بعدين نحضر العجينه
انا زمان اول مدخلت المنتدى عملت الهمبرجر المحشي
وراح لحاله ربنا يسهله

العجينه
كوبين ونص دقيق
انا استخدمت هنا الاسمر
نص م ص ملح
م ك سكر
معلقتين لبن بودرة
بياض بيضه
ربع كوب زيت
علبة زبادي
ماء دافي للعجن
نعجنهم كويس ونخمرهم
الطريقه مع الصور

فضل شويه عجين حشيتهم لحمه مفرومه متعصجه

طبعا نسيبهم يتضاعفوا بعدين ندهنهم بصفار بيضه مع شويه ميه ونسكافيه
ونرشه سمسم او حبه البركه

وده شكل الهمبرجر انا عملت شويه محشي
وشويه عملت كيزر
وعملته ساندويتش ساعه التقديم

للموضوع بقيه
تابعونا ...

**wbaby** · 17-04-2009, 10:40 PM

الان مع
كعكه طبقات باللحمه البارده
كنت عامله لحمه بارده وزادت عندي
فبمناسبه اسبوع اللحوم قلت لازم
اخترعلها طريقه
العجينه نفس العجينه السابقه
بس بالدقيق الابيض
بنعجن ونخمر
بعدين نقطعها 3 اقسام نبطن القالب بورق فويل علشان نعرف نطلعها
والحشو كان
طبقه لحمه بارده رشيت عليها سماق وجبنه رومي
الطبقه التانيه خضار متشوحه الي بتحبيه انا عملت بصل وفلفل وجزر
وجبنه شيدر

من جوه بقى الشكل جميل جدا

وده شكل القطعه مشرف جدا والطعم فعلافعلا مميز وعجب الكل

كنت عامله معاه بيتزا

اتمنى تكون اطباقي اعجبتكم

ولاتنسونا من صالح دعائكم
خصوصا اولادي

وجميع المرضى بالشفاء العاجل ياااارب

**l!Nda** · 17-04-2009, 10:45 PM

ماشاء الله تسلم ايدك

**بنت بلدى** · 17-04-2009, 10:50 PM

**أم فئ** · 17-04-2009, 11:26 PM

روووووووووووووووووعة الله يسلمك يارب

**wbaby** · 17-04-2009, 11:43 PM

كتبت بواسطة حبيبة48

ماشاء الله تسلم ايدك

كتبت بواسطة بنت بلدى

اهلا ياغاليات شكرا لمروركم

**ام ليانة** · 18-04-2009, 12:41 AM

ما شاء الله ام الحلوين

معجنات رائعة الله يبارك فيك يا عسل

كفيت ووفيت في اسبوع الدسم ههههههه

ربنا يجزيك الخير وما يحرمنا من تواجدك معنا حبيبتي

**شخبط شخبيط** · 18-04-2009, 02:30 AM

ايه الجمال ده كله حبيبتى
فعلا روووووووووعه وانا جوعت من المنظر
ادينى رنه وانا اجى فورااااااااااااااااااا
تسلم الايادى حبيبتى
وربنا يخليلك ولادك ويحفظهملك هما واهل بيتك

**أم العلاء 2** · 18-04-2009, 05:08 AM

ما شاء الله عليكي يا Baby
معجنات رائعة و تفتح النفس
تسلم إيديكي حبيبتي و يعطيكي العافية يا رب

**noorelhoda** · 18-04-2009, 09:01 AM

ماشاء الله
با ام الحلوبن
جمبل بصراحه وافكار روعه
تسلمى حببتى كتببببببببببببببببببببببببببببببببببر

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: ملف متميز الهمبرجر المحشي وكعكه طبقات باللحمه البارده مين جعان يتفضل

أدوات الموضوع

العرض