**موضوع متميز**فطيرة الدجاج و البطاطا السريعة بدون فرن و بدون خميرة
السلام عليكم:
كيف حالكم بنات ليا فترة طويلة على القسم لكن نتبع في كل المواضيع ماشاء الله البنات ابدعو في الوصفات تسلم الايادي للجميع
اليوم جايبتلكم طريقة لفطيرة الدجاج سريعة التحضير و لديدة
المقادير :
4 اكواب دقيق , 2 كوب ماء, ملعقة صغيرة ملح
تعجن المكونات مع بعض
نشكلهم كورات صغيرة و نحطهم في صحن مدهون بالزيت
نجهز الحشوة حتى تاخد العجين راحة
و الحشوة تتكون من :
زيتون , حبتين بطاطا مكعبات مطبوخ في ماء , صدر دجاج نقصه بشكل صغير, بقدونس , جبنة ( اي نوع ) , بيضة وحدة, شوية هريسة ( حسب الرغبة ) , رشة ملح , رشة فلفل اسود
نخلط المكونات مع بعض
ناخد العجين و نحط عليه زيت حتى يساعدنا على فرد العجين لي حد ما يكون شفاف
نبدا نحط الحشوة داخل العجين و نطبقها بشكل مربع
ناخد مقلاة و نحطها على الغاز و نحط فيها شوية زيت و نبدا نحط بالفطيرة فيها و كل ما تتحمر نقلبها على الوجه الاخر
و بعدين تقدم
سريعة و خفيفة و الأهم انها لذيذة
صحتين
رد مع الاستدلال
الروابط المفضلة