السلام عليكم اخواتى
النهارده كنت فى زيارة لصديقة طفولتى و قدمتلى القرص الشهيرة اللى باليانسون و الشمر و كانت لذيذة جدا و طرية و هشه ايضا
و اخدت منها المقادير و الطريقة عشان اعملها و للاسف حصل حاجتين افسدوها فى رايى او مدتنيش النتيجة ال ترضينى برغم انها عجبت زوجى

اولااسفل القرص احمر قبل ما تستوى رفعتها فى الرف الاوسط " كنت حاطاها على الشبكة تحت" و خفضت الحرارة قليلا و قلبتها عشان تستوى دا كان اول صاج

التانى بقى برغم انى حطيتها على طول فى الرف الاوسط و الحرارة زى ما هى الا انه بردو القعر احمر قبل ما تستوى و بردو قلبت القرص الا انها استوت بشكل افضل ما الصاج الاول


كمان بعد ما الصاج الاول برد نشف

و انا محبطة جدا دلوقتىو عاوزة اعرف العيب فين

المقادير ال استخدمتها كالتالى

كيلو دقيق مع ربع كيلو سمن مع كوب سكر ذرة ملح خميرة فورية " متهيئلى الخميرة ممكن تكون السبب ؟ " مع ثلاث ملاعق زيت ذرة ماء دافىء للعجن

نخلت الدقيق و اضفت له السكر و ذرة الملح و بسيت معاه السمن لغاية ما اختفى وضيفت الخميرة بعد ما كنت مدوباها فى سكر و ماء دافىء و عملت رغوة وفيرة
وبعدين عجنت بالماء الدافىء لغاية ما تكونت معايا عجينة رائعة والله كانت و لا تلتصق بالايدى و ملمسها حلو جدا

سيبتها تخمر نص ساعة فى المطبخ وبعدين ابتديت اشتغل فيها اكورها و ابططها شويه و ارصها فى الصاجات و سيبتها تخمر فى الصاجات كمان نص ساعة و بعدين دخلتها الفرن وحصل اللى حكيتلكم عليه من شويه
يا ترى بقى انا غلطت فى ايه
و بانتظار الوصفة منكم بردو


" انا محطتش يانسون ولا شمر لان ولادى مش بيحبوه"

السلام عليكم
اولا .. القرص لا اعرفها بصراحة
لكن بتتبعي لما قمتي به اتضح لي ان الفرن هو السبب
لانك عجنتي مزوبط و تركتيها تختمر و بعدين شكلتيها و خمرتيها ثاني .. الى هنا تمام
بس الفرن علي ما يبدو شديد الحرارة ..
ممكن تتلافي هذه المشكلة بوضع اناء فيه ماء في الرف السفلي للفرن
او ترشي الفرن بالماء بين الحين و الاخر (هذا الامر لا ينفع في خبز الحلويات طبعاً )

ان شاء الله اكون افدتك ..

كتبت بواسطة RAWAD

السلام عليكم
اولا .. القرص لا اعرفها بصراحة
لكن بتتبعي لما قمتي به اتضح لي ان الفرن هو السبب
لانك عجنتي مزوبط و تركتيها تختمر و بعدين شكلتيها و خمرتيها ثاني .. الى هنا تمام
بس الفرن علي ما يبدو شديد الحرارة ..
ممكن تتلافي هذه المشكلة بوضع اناء فيه ماء في الرف السفلي للفرن
او ترشي الفرن بالماء بين الحين و الاخر (هذا الامر لا ينفع في خبز الحلويات طبعاً )

ان شاء الله اكون افدتك ..

انا بردو شكيت فى الفرن برغم حاولت اظبط الحرارة كتير انما قدر الله وما شاء فعل
اشكرك اختى بشدة على نصيحتك المفيدة و جزاك الله كل خير

تسلمي حبيبتي .. احنا بالخدمة
اتمني لك التوفيق