** موضوع متميز ** طريقتى البسيطة للبيتزا

**بنوتة صيدلانية** · 03-04-2009, 10:33 PM

السلام عليكم ورحمة الله وبركاته

ان شاء الله تكونو بخير

اليوم حبييت نقدم لكم طريقتى فى البيتزا لما نكون مشغولة وتعتبر سهلة بالنسبة ليا لأنى مانستخدمش فى العصا لفرد العجين لأن ميزة هده العجينة انها سائلة نوعا ما وتفرد باليد فى الطاجين.

بسم الله نبدا.

مقادير العجين:

كيلو دقيق-بيضة-3 ملاعق حليب بودرة-1ونصف ملعقة كبيرة خميرة-1ملعقة صغيرة ملح-1ملعقة كبيرة سكر-نصف كوب زيت- (انا نضيف ظرف b.p مع الدقيق).2 ونصف كوب ماء.

الحشو:

صلصة طماطم-تن-زيتون (أنا استخدمت أسود وأخضر)-شرائح فلفل أخضر(أنا نحب الحار)-جبنة مبشورة النوع اللى تحبيها.وزى ماتحبى تضيفي .

الطريقة:

نخلط الخميرة والسكروالملح معنصف كوب ماء ونتركهم 2 دقيقة

نخلط البيض والحليب والزيت والخميرة والماء ونضيف الدقيق مع b.p ونعجن ونلاحظ العجينة تكون شبه سائلة.

ملاحظة: كمية الماء على حسب درجة سيولة العجين اللى تبيها لو تبى تفرديها بالعصا تقدرى تقللى كمية الماء.

هده مش كل كمية العجين صورتها فى الأخير.

وتدهنى ايديك بالزين وتاخدى كمية من العجين وتفرديها بالطاجين المدهون بالزيت بايديك على حسب السمك اللى تبيه الأحسن تكون متوسطة .

بعدين تحطى الصلصة فوقها والتن والزيتون وشرائح الفلفل.

وتدخليها الفرن على درجة 200 مئوية وتخليها لمدة ربع ساعة ولما تطيب طلعيها ووزعى عليها الجبن المبشوروتدخليها تاني للفرن وتولعى من فوق بس حتى تدوب الجبنة دقائق بسيطة وتطلعيها .وأنا استخدمت نوعين جبن.

وصحتين وعافية