• طريقة عمل القراقيش او المنين بالعجوة جميل(القراقيش المصريه الشهية )او الأرا ايش
  او المنين زى ما تحبوا تسموها
  خفيفه وجميله جدا مع الشاى باللبن / يارب تحوز على اعجابكم نبدأ الشرح
  اولا المقادير
  كيلو دقيق ولو بالكوب يبقى 5 اكواب دقيق
  كوب لبن دافىء
  ملعقه طعام ممسوحه خميره
  نصف كيلو سمن او زبده لا تندهشوا من كميه السمن
  ربع كوب ماء
  ملعقه صغيره ملح
  سمسم وحبه البركه
  
  
  
  نسيت اصور السمن لانه كان عالنار يجب ان يسخن ويغلى ولكن بدون ان يحترق بنسميه مقدوح
  نعمل حفره فى الدقيق ونضع الملح والسمسم وحبه البركه وممكن تستعملى شمر وينسون
  
  
  
  نضيف السمن الساخن
  
  
  نقلب الخليط ولكن بملعقه خشبيه لانه حيكون ساخن طبعا
  
  
  
  وبعد مايبرد نبس الدقيق يعنى ندعكه بالكفين جيد وبعدين نضيف اللبن ويكون مذاب فيه الخميره ولو العجينه محتاجه تانى نضيف ربع كوب الماء الدافىء ونعجن حتى تكون بهذا الشكل
  
  
  
  نترك العجينه ترتاح عشر دقايق وبعدين نأخذ قطعه قطعه ونفردها على سطح مستوى
  
  
  
  ونفردها جيدا ونقطعها مستطيلات بالطول
  
  
  
  وممكن نحشيها تمر (عجوه هكذا
  
  
  
  وده شكل العجوه بداخلها
  
  
  
  ونبدأ برصها فى صينيه الفرن المبطنه بورق الزبده بدون دهانها ابدا ونغطيها ونتركها تخمر حوالى ساعتين
  
  
  
  بعد ما تخمر ندخلها الفرن ونضعها فى الرف المتوسط على حراره 180 حوالى ربع ساعه وبعدين نفتح عليها الشوايه من فوق حوالى دقيقه واحده حتى تحمر
  نرصها فى صينيه وده شكلها شوفوا لونها من تحت مثل فوق بالظبط
  
  
  
  وتقدم مع احلى فنجان شاى
  
  
  
  او ممكن مع الجبنه او اللبنه
  
  
  
  والف هنا وشفا يارب تعجبكم
  
  
• 
  
• منقووووووووووووووووووووول

هى طبعاً جميلة ولا لا يحق لك نسبها إلى نفسك وتغيرى الاسم

انا ما نسبتهاش الى نفسى ولا غيرت الاسم ولو تلاحظ ح تلاقى تحت مكتوب منقول وانا باعملها بنفس الطريقة بالضبط يا اخ مصطفى ولكى شكرى

واضح انك جديدة في منتدى لك لان الطريقة دى بالصور و الخطوات هى طريقة حبيبتى نور الهدى من مطبخها و كمان ايدها اللى متصورة في الموضوع و هى طبعا من الاعضاء البارزين جدددا في المنتدى و لها مسابقة تطبيقات و ممكن تتاكدى بنفسك و تتطلعى على رابط مواضيعها كلها في مسابقة قسم الحلويات...

رجاء عزيزتى لازم تتاكدى من الموضوع قبل ادارجه في المنتديات لانه مجهود و تعب ناس و حرام نور الهدى تشوف مجهودها ينسب الى غيرها لانك لو في مكانها اكيييييد حتتضايقى

و مش حنقول غير حسبى الله و نعم الوكيل للى بتنسب لنفسها لا و كمان بتغير الاسم بطريقة واضحة و فظة جدا

عزيزتى انا مش قصدى احراجك لكن من فضلك التاكد من المواضيع لحفظ حقوق و مجهود اصحابها الاصللين

اختي الطريقه راائعه ومتميزة وفعلا هي للغاليه نور الهدى
قدمتها في مسابقة معجناتنا التراثيه
وياريت لو تبلغي الغاليه نور الهدي من اي موقع نقلتي الوصفه لانه هذا حق ليها
ولايمكن نسبه لغيرها
وطبعا لا احد يهاجم شخصك فعلاانتي ذكرتي انه الموضوع منقول
ماعليكي حق اختي

هذه الوصفه الاصليه لنور الهدى

http://www.lakii.com/vb/showthread.php?t=449379

فعلا دي وصفة نور الهدي
علي فكرة وانا بعمل سيرش علي القراقيش لاقيت مواقع كتييييير جدا واخدة موضوع نور الهدي وحطاه باسمها
لاحول والقوة الا بالله

وصفة ام نور قمة في الروعة و لا تخفى على احد.
شكرا اختي على نقلك و صراحتك

ياجماعة بلاش الهجوم دة انا نقلتهلكم كما هى واسمى مش موجود عليها ولا اعرف مين اللى نسبها لنفسة وماعلى الرسول الا البلاغ وبلاش كدة لان الاخت اللى كاتبة باسم مصطفى اول منزل الموضوع على طول قالت لايحق لكى ان تنسبيها لنفسك وهى طبعا مفهمتش ان دة منقول قبل متهاجموا حاسبوا شوية دى حتى مكتوب عليها اسم رومانس معرفش هو مين رومانس دة ولا غير الاسم ازاى وبعدين انا مش جديدة فى المنتدى انا من زمان بس مكنتش باشترك واول اشتراك لية ح تهاجمونى بلاش منه خالص ولا ح اشترك وح اطلع منة لو دة يريحكم وراعوا احاسيس غيركم

مشكوره اختي على نقلك للوصفه

وانتي كاتبه منقول بنات المفروض تتاكدو قبل إن تتهمو البنت

اهي جديده على المنتدى ولا تعرف الغاليه ام نور ولا كان ما غامرة

ونقلتها بمنتدى ام نور من عمالقته ومبدعاته

وحياكي الله معنى حبيبتي ولا تزعلي البنات من حبهم بالغاليه ام نور

والوصفه انا مطبقتها ولذيذه جداً