**موضوع متميز**معجنات باالسبانخ ومعجنات بالزعتر ومن حديقتي اتفضلووووووو
بسم الله الرحمن الرحيم
كيفكم حبيباتي المشرفات والصبايا كلكم
الصحيح اليوم ما كنت رايقه كتير فطلع الشغل مش كتير حلو مش مثل ما بتمنى
انا حاولت اطبق لفة سوسو لانها عجبتني بصراحه
يلا المهم الطعم زاكي كان
اول شي هي صورة الزعتر
تاني شي هي صورة السبانخ
لعمل العجينه
المقادير يلي انا معتمدتها وما بغيرها على الاطلاق
2 كيلو طحين
4 بيضات
1 كاس حليب ناشف
1 كاس زيت زيتون
1 كاس زيت مازولا
رشة ملح + رشة سكر
3 ملاعق صغار خميره
ماء ساخن
الطريقه
نعجن كل المقادير معا ونترك العجينه تتخمر
لحشو السبانخ
1 ضمه سبانخ مغسول ومفروم ناعم ومعصر من الماء
1 بصله مفرومه ناعم
2 ملعقة سماق
4 ملاعق زيت زيتون
عصير حبة ليمون
ملح
شطه تركيه مش بحكيلكم انا بحب اكل الاتراك
نخلط جميع المكونات معا وبنحشي العجينه بهالشكل
نتركها تتخمر مره تانيه وبنخبزها في الفرن
الزعتر
1 ضمه من الزعتر
4 ملاعق زيت زيتون
رشة ملح
رشة سماق
1 ملعقه كبيره بصل مفروم ناعم
الصراحه انا وين في زعتر بضيف جبنه نابلسيه
بنحشي العجينه بهالشكل وبنتركها تتخمر مره تانيه وبنخبزها بالفرن
والف صحه وعافيه يا رب
معلش انا كاينه مصوره كل المقادير مع سوى مش بحكيلكم اليوم مش ولا بد
الف صحه وعافيه يا رب
رد مع الاستدلال
.
كتبت بواسطة *عاشقة الاقصى*
الروابط المفضلة