** موضوع متميز ** معجنات بالكريم تشيز
بسم الله الرحمن الرحميم
السلام عليكم ورحمة الله وبركاته
اليوم حبيت اشارككم بحملة المعجنات والاجبان وعملت معجبنات بالجبنة الكريمة
وهي انك تجيبي أي نوع جبنة كريمة بس الافضل تكون حلوة متل الكيري مثلا ونخلطها مع جبنة بيضا عادية فنعمل توليفة زاكية
بس انا هون شو عملت؟
عملت جبنة على ايدي وبعد ما صفيتها ما حطيتلها ملح فضلت طرية وفيها شوية مية وخلطتها مع شوية جبنة بيضة عادية برشتها فوقها
وهون رشيت عليها حبة البركة ونعنع يابس وزعتر ناشف وزيت زتون وبيضة عشان تمسك الخليط كله
وطبعا عجينتي هي عجينة العشر دقايق بس انا بخفف شوية السكر وبكتر الملح عشان تتماشى مع الموقف
هلاء نبلش
حطيت شوية عجين في قوالب الكب كيك وعبيتها من خلطة الجبنة
بجد هدول الكب كيك كتير حلوين بخلو القطع متساوية بنفس الحجم وبطلع منظرها حلو ومرتب
هلاء بطريقة تانية بالصينية عجينة من فوق ومن تحت وبالنص فردت الجبنة وعليها شرحات بندورة شلت منها البزر عشان ما تنزل مية كتير وتخبص الفطاير بعدين........ وعلى الوجه شوية زعتر وفي الفرن على طول
شوفو كيف منظرها طالع زي الساندويش وبصراحة هاي طلعت ازكى وحدة .......يمكن عشان فيها بندورة
وهلاء الشكل التالت اللي انا تعلمته منكو يا فنانات مطبخ لك على شكل وردة
وضل كمان عجين قلت احشيهم شوية كبدة جاج وبصل وفليفلة
حضرت الحشوة
بصلة مقلية وفليفلة ملونة قليتهم مع بعض وحطيت عليهم شوية صويا صوص مممممممممم اعطتهم طعم زاكي حامض على مالح لذيذة
وشكلتهم على شكل رول وبعدين قطعتها وهاي كل النتيجة
وطبعا استمتعو بالذ فطور خفيف مع كاسة شاي ولو متلي بتشتغلو بتاخدوهم معكو على المكتب
خفيفين لطيفين على المعدة
وريته صحة وهنا ومطرح ما يسري يمري يارب
تحياتي واحتراماتي
الماسة
ام سهام واسيل
رد مع الاستدلال
كتبت بواسطة يقيني بالله
الروابط المفضلة