حبيباتى ياريت وحدة منكم تتكرم وتدلنى على اي مكان تسوق اجد فيه البرغل حننجن على الكبة خصوصا المشوية اشبحتها فمسلسل باب الحارة وبارك الله فلجميع

اختي اي مكان يبيع في البهارات والقصب والبقوليات يبيع في البرغل بالكيلو
واعتقد سوق المهاري بيكون فيه انت غير خشي اسالي بس يقولولك عليه

وانا اول مااكلم امي رح اسالها لاني انا الان مش في ليبيا انشاء الله لما اكلمها رح اخبرك بادن الله
وشوفي ماما الاء لانها هي في ليبيا ابعتيلها علي الخاص وبادن الله يكون عندها الرد

تحياتي

للرفع

حبيبتى البرغل فى ليبيا هو دشيشة القمح
انت بس اسالى على دشيشة القمح ميه فى الميه تلقيها

اختى احنا فى بنغازى نشتروه من سوق الجريد موجود و باسمه ايضا برغل

اختي البرغل موجود في كل الاسواق الكبيرة

المهاري ( زاوية الدهماني )

سوق ليبيا و سوق المرجان ( بن عاشور)

سوق الثلاثاء

العاشوري ( عرادة)

سوق الواحة ( راس حسن)

هلبة اسواق ممكن تلقي فيها انتي غير قولي بس نبي برغل و امشي جيهة البهارات و البقوليات

اي سوق في طرابلس معروف البرغل اسالي وحيوروهولك واني مرات نلقي فيه مع المكرونة والكسكسي وغيره



ان شاء الله تحصليه واديري احلي كبة لاني الصراحة انموت فيها
ومتنسيش تورينا الطريقة والصور في الانتظار


وصحتين علي قلبك

حبيبتي ماشاء الله البنات ماقصروش معاك وبالنسبه للبرغل
تلقيه في سوق المهاري
وسوبر ماركة أرض الخيرات الي بحدا مطعم البيتزا هاوس في قرقارش
والعماري الي في حي الاندلس
وزي ماقلولك البنات تلقيه في الاسواق والمحلات الكبيره
ولكن لازم تعرفي أنه في فرق بين البرغل والدشيشه
البرغل مصنوع من القمح ويكون طايب الدليل (أنه ينقع لمدة ربع ساعه وبعدها يؤكل في التبوله أول يعجن بي لحم الكبه)
أما الدشيشه غالبا تكون مصنوعه من الشعير مع القمح وتكون نيه)
يارب نكون فدتك ولو ماحصلتيهاش قوليلي أني قاعده حاليا في بنغازي نبعتلك منها أنتي غير دللي يا عيوني

مرحبتين حبوبة
ما شا ءالله البنات كفو ووفو
والبرغل تحصليه في اي سوبر ماركت واني الحق ناخذ فيه من طيبة متاع عطرية في سوق الجمعة نضيف وكويس ومرة خذيته من الماهري حتى هو كويس
واي سؤال تفضلي حبوبة
الحق حتى اني هبلتني الكبة في باب الحارة وخشيت المنتدى واني ندور في الكبة سبحان الله شوف النصيبات اهو تعرفت على الحلوين
ربي يحفظكم

هلا حبيبتى بسم الله ماشالله لقيت البنات والله مو مقصرات فى الرد عليكى
وزى ما قالولك باس لما تمشى وتاخذى البرغل خوذى الناعم لانه هوا اللى يستخذم فى الكبيبه وياللله عشان نشوف الكبييبه المشويه سهفتينا عليها

نانا العسل بنت طرابلس ياورد وفل جروحى انا اجعل ايامك هنا وياسويت بيبى ياغالية على اقليبى وياهنو انشلله اللى يكرهوك ينجنوا وياماما الاء يبعد عنك ربى الهم والعناء ويجعل ايامك خير ورخاء ويااحلى نسمة ليل انشلله ماتشوفى الويل الف شكر لكل الاخوات وبارك الله فجميع العضوات