بسم الله الرحمن الرحيم
ازيكم يا احلى اخوات
من ساعة ما شفت الموضوع الجميل بتاع مشرفتنا وحبيبة الكل ام البنات اللي هو الهمبرجر المحشي بطريقة منال العالم وهو مشعشعععععععع في نفوخي وقلت لازم اطبقه
والرابط اهوه
http://www.lakii.com/vb/showthread.php?t=439019
وكمان مع تطبيق تاني من اخت لهمبرجر محشي تشيز ومشروم يميييييييي بس للاسف مش عارفة اوصله
بس المقادير كالاتي(للاسف ماصورتش الخطوات دي لان ماكانش في دماغي اصور اصلا الوصفة لاني كنت مستعجلة)
نص كيلو لحمة مفروم
نص كوب بقسماط ناعم
معلقة كبيرة باربيكيو صوص
ملعقتين كبار وسشتشير صوص
ملح وفلفل اسود وتوم مفروم
بصلة صغيرة(نعصرها عشان ناخد ميتها بسسسس)
اي نوع جبن بيسيح عندك(انا حطيت تشيدر ورومي وفلمنكأو جودا يعني)
مشروم شرايح
الطريقة
نخلط كل مكونات اللحمة مع بعض ماعدا المشروم والجبن
نفرد اللحمة بالنشابة ونقطعها بالقطاعة دواير بس تكون الطبقة بتاعة اللحم رفيعة
ناخد شريحة لحم ونحط عليها شوية جبن وكام واحدة مشروم ونغطيها بشريحة تانية ونقفلهم كويييييييييس
على جنب نصفر بصلة صغيرة بالزبد وشوية مشروم واما نطفي نحط جبن عليهم من نفس اللجبن اللي استخدمتيه في الحشو
بعد ما عملنا الهمبرجر نحطه في صينية وعلى الفرن
اما يستوي
نكون مولعين في فحمة على جنب ونطفيها بزينت ونغطي البرجر مع الفحمة عشان ياخد التدخين بتاع الشوي
بعد كدة نحشي البرجر دة بطريقة حبيبتنا ام البنات وبنفس عجينتها التحفةةةةةةة
بس نحط البرجر وفوقيها خلطةالبصل والمشروم والجبنة ونقفلها بالطبقة التانية زي ماهي عاملة بالظبط(يعني مش طماطم وجبن زي ماهي عاملة، تغيير يعني)
ندهن وش البرجر بلبن نيدو ومية ونرش الوش بحبة البركة وسمسم
كان اتبقى عندي عجينة علمتها كروسونات جبنة
واسيبكم مع الصور لتوضيح الفكرة
دي في الصينية قبل ما تدهن
ودي الكروسونات
ودي بعد الدهن واضافة السمسممم
ودي الكروسونات بعد الدهن
بعد خروجها من الفرن
ودي كمان
ودة سندوتش من قريب شوفوا ماشاء الله لاقوة الا بالله نافش وجميل ازاي؟
ودة بعد ما فتحت السندوتش ومعاه بطاطس محمرة( مسلوقة نص سلق في مية وخل ومفرزة باتطلع زي الجاهزة تمام)وكاتشاب
الطبق دة لاول واحدة ترد
ودة شكل السندوتش من جوة
نصيحة مني تجربوه بجد يا حلوين، الطعم تحفففففففة ماشاء الله والشكل يشرف وماحدش يصدق انه بيتي ، ربنا يكرم ام البنات يارب ويخليلها بناتها وجزها واهل بيتها كلهم وماتشوفش فيهم شر ابدا ويجعلهوم من الصالحات البارات حفظة كتاب الله، وجزا الله خيرا الاخت صاحبة فكرة البرجر المحشي والله بدعيلها بظاهر الغيب وكلكم يا حبيباتي
اذا عجبكم شغلي بس كل اللي بطلبه منكم دعوة بظاهر الغيب لبناتي وزوجي واهلي كلهم ابي وامي واخواتي ان ربنا يسترها علينا دنيا واخرة ويرزقنا من فضله اللهم امين
اللهم اتنا في الدنيا حسنة وفي الاخرة حسنة وقنا عذاب النار اللهم امين اللهم استجب يارب العالمين
الروابط المفضلة