**موضوع متميز ** مشاركتي سينبون بالمكسرات الاسبوع الاول المعجنات و المكسرات
السلام عليكم ورحمة الله وبركاته
اول شيء اشكر الغاليه على قلبي ام ماهر ربي يجزها خير
( ام ماهر ضبطة معي الشغله ) الله يرزقك من حيث لا تحتسبين آآآآآآآآآمين
اخواتي هاذي مشاركه مني باسبوع المعجنات والمكسرات
اتمنى تعجبكم مشاركتي المتواضعه وهاذي اول مره اجرب السنبون بالمكسرات
الصراحه طالع احلى من القرفه لحالها يمي لذيذ وما ينشبع منه
وسويت بنفس العجينه خلية نحل طالعه رووعه
حبيباتي هاذي مقاديري الي استخدمها لاني حسيتها طالعه على طلبي لعيلتي المتواضعه
4 اكواب دقيق الكوب المعياري
فنجان شاي زيت الفنجان الخليجي الصغير بو يد هههههههه
ملعقه صغيره خميره فوريه( ما كثر خميره لاني اخليها تخمر براحتها )
ملعقه صغيره بكنج بودر
4 ملاعق حليب بودره
ملعقتين سكر كبيره
ملعقه صغيره ملح
كاسان مويه دفيه يمكن تحتاجي اقل بشوي
الطريقه
تجمع المواد الناشفه مع بعض وتخلط ثم يضاف الزيت وتضاف المويه وتعجن جيداً
انا اعجنها بالعجانه واخليها تطول وهي تعجنها واروح اشوف شغله ثانيه هههههههه
وتترك تخمر لمدة ساعه او اكثر على حسب احيانا استعجل عليها واشكلها
واخمرها بالصواني ههههههههههه
نجي للحشوه عباره عن زبده بدرجة المطبخ لهن العجين +سكر بني مطحون +قرفه
حشوة المكسرات الي استخدمة عباره عن زبيب + فستق مجروش + لوز مكسر ما كثرة منه
تخلط الحشوه الاخيره مع بعض وتترك على جنب
نجي للعجين نفردها وندهنها بالزبده دهن خفيف ونرش القرفه ونرش السكر البني
ما خلطها رشين كل شيء لحاله
ونضيف المكسرات وتطوي العجينه وتقطع وترص بالصينيه
واخليكم مع الصور
حشوة المكسرات
تفرد العجينه وتدهن بالزبده
ترش القرفه والسكر البني
ترش المكسرات المخلوطه مع بعض
تلف العجنه على الحشوه وتقطع
اول ما رصيتها بالصينيه
هنا لما تركتها خمرة براحتها اكثر من ساعه لاني استعجلت عليها بالمرحله الاولى
بعد الفرن
جاهزه للاكل ههههههههه ماشاء الله
سويت معها خليت نحل وضعت عليها سمسم لاجل تتماشا مع الاسبوع ههههههه
وهي هديه لام الامورات عندي احساس انها تحب الخليه
ولا انسى الغاليات ام ليانة ورواد يمدوايديهم ويختارو
رد مع الاستدلال
كتبت بواسطة (بنت الأحرار)
.
الروابط المفضلة