السلام عليكم ورحمه الله وبركاته

عضوات منتدى لك الجميل وسيدات اركان المطبخ
وركن المعجنات بالأخص واللى وزنى زاد بفضل الله وبفضل الركن اللى مش عارفه اخرج منه ابدا من كتر الوصفات الروعه اللى فيه
المهم ندخل فى الموضوع
منذ يومين تقريبا سألتنى احدى العضوات المحترمات والغاليات وهى الاخت برنسيس لك عن نوع فطائر اسمها المنجأونه؟؟؟؟؟؟؟؟؟؟؟؟؟؟؟؟؟؟؟
طبعا انا مكنتش اعرف ايه المنجأونه دى اطلاقا
وعملت سييرش عالجوجل وطلعت لى وصفه او اتنين لها
بدون صور وغير كافيه ووافيه
ففضلت دماغى شغاله فى المنجأونه ولم يهدأ لى بالا الا بعد رفع سماعه الهاتف والاتصال بوالدتى ربنا يديها الصحه وسألتها واخبرتنى انها
نوع من الفطائر تشتهر بيه محافظه بورسعيد المصريه بالأخص
وهو غالبا يصنع فى المناسبات ومنها شم النسيم واخبرتنى انه قريب الشبه بالشوريك المصرى مع بعض الاختلافات واعطتنى المقادير
وهى
كيلو طحين ابيض
(ولو بالكوب يبقى حوالى خمس اكواب ونص من اكواب الماء الكبيره )
3 بيضات
ثلاثه ارباع كوب زبده سايحه ولكن بارده ليست سخنه
2 كوب حليب
نصف كوب ماء دافئ
ملعقه طعام كبيره ممتلئه خميره حبيبات
كوب سكر حبيبات ناعمه
نصف كوب جوز هند مبشور(اختيارى )
زبيب (اختيارى)
ملعقه صغيره بيكنج صودا او بيكنج باودر
ذره ملح
الحشو (اختيارى)
انا استخدمت معجون تمر واضفت له فستق وجوز هند وقرفه وحبهان)
للتزيين
2 صفار بيض
سكر
سمسم
مكسرات
حبه البركه
الطريقه
اولا نذوب الخميره فى نصف كوب الماء الدافئ مع ملعقه سكر ونتركها عشر دقائق حتى ترتفع وتعمل طبقه
ننخل الدقيق ونضع عليه ذره الملح والبيكنج صودا
وفى الخلاط الكهربائى نضرب الثلاث بيضات مع السكر الى ان يذوب السكر جيدا مع رشه فانيليا ثم الحليب
وفى العجان نضيف كوب الخميره اللى اختمرت عالدقيق ونشغل العجان وبعدها نضيف كوب الزبده كل ذلك والعجان على درجه قليله
نضيف البيض المضروب بالسكر تدريجيا ونعلى السرعه
الى ان تتماسك العجينه
وفى النهايه يمكنك اضافه الزبيب وجوز الهند المبشور عالعجينه انا فضلت اضافه جوز الهند فقط
نترك العجينه تختمر ساعتين ليس اقل من ذلك
وبعد الاختمار نفرغ الهواء بداخلها هكذا

ونتركها ساعه اخرى تختمر وهى بهذا الشكل
وبعد الساعه نبدأ بتشكيل العجينه
والدتى اخبرتنى ان الشكل المألوف لها هو الضفائر او اللفه الحلزونيه بس انا عملت اشكال مختلفه كتغيير وطلعت روعه ماشاء الله
عملت الضفيره وعملت حرف s وعملت الورود وهكذا اليكم الصور

وهنا لفيت العجين حلزون ووضعته بهذا الشكل وشقيت جوانبه اسفه باقى الخطوه اتمسحت

وممكن لفها بهذه الطريقه وعمل شقوق عالعجين

ودى بعض الاشكال

نتركها تختمر ساعه اخرى بعد التشكيل وبعدها ندهن الاشكال بصفار البيض المضروب بالفانيليا وممكن اضافه سكر خشن عالوجه او سمسم او حبه البركه او اى مكسرات هكذا

تترك فى فرن مشتعل مسبقا على حراره 180 لمده ربع ساعه فقط
ملحوظه
ربع ساعه كافيه فمجرد اسفل القطعه ما يتحول للون الوردى حمرى الوجه حتى لو هيأ لك ان القطعه لازالت عجين بالعكس هى استوت جيدا وتركها فتره طويله بيجعل المعجنات ناشفه وقاسيه

وده الشكل النهائى
بسم الله ماشاء الله ولا حول ولا قوه الا بالله

او ممكن وهى دافئه تحتفظى بيها فى علبه محكمه الغلق وعالفريزر واى وقت تحبى تاكلى تخرجى منها واما تسخنيها فى الفرن او الميكرويف او تتركيها ربع ساعه ستعود كما لو كانت خارجه من الفرن
وهنا وضعتها فى علبه

المقادير المكتوبه بما يرضى الله كما استخدمتها وطبعا كل نوع طحين بيختلف من مكان لأخر وممكن العجين يحتاج كل الكميه او اقل بسيط
هكذا انتهى موضوعى
اللهم اجعل اعمالنا خالصه لوجهك الكريم
اللهم استرنا فوق الأرض وتحت الأرض ويوم العرض
صبر جميل والله المستعان على ما تصفون
السلام عليكم

تسلم الايادى
حبيت اكون اول رد
ما شاء الله تجنن يا ام نور

رووووووووووووووووووووعه يا قمر
تسلم ايديكي
و الله يا رب يخليلك الوالده و يطول عمرها
ابدعتي يا قمر

الله يعطيكى الف عافية يارب

وتسلمى على الوصفة الجميلة

والف هنا وعافية على قلوبكم يارب

مااشاء الله غالتي رووعه
ماقصرتي يا حبيبتي
الله يديكي على قد نيتك الطيبه يارب
ويبارك ليكي في اهل بيتك ويسخر لك زوجك فيما يرضى الله يارب

ماشااء الله يسلمو ايديك ياارب
ويطول بعمر الوالده ياارب


اشكال راائعه من المعجنات

ماشالله تبارك الرحمن
فطائر روووووووووووووووعة
والله يخليك ويخلي الوالدة ويطول عمرها
ويحفظلك عائلتك من كل مكروه
والشكر لبرنسيس لك لانها خلتك تعرفي هذا النوع من الفطائر

سلمت يمينك غاليتي أم نور
على الوصفة الرائعة

وبارك الله أعمالك .

رائعه يا قمر
تسلم الايااادي حبيبتي

ماشاء الله لاقوة الا بالله الاشكال والعجينة طالعين روعة من تحت اديكي حبيبتي ربنا يباركللك يارب ويجزيكي خير على فعل الخير وتقديم المساعدة وده معروف عن نور الهدى
جميييييييييييييلة جدا جدا بدون اي مجاملة اومبالغة وربنا يديكي الصحة يارب ويحفظ والدتك ويخليهالك