السلام عليكم ورحمة الله وبركاته
ازيكم يا قمرات
في احلى منتدى
منتدى لك
انا كنت اول مره اسمع عن الطريقه دي وبم اننا بنحب الصعب فقلت هجربها خاصة ان اختي قالتلي ان الطعم جديد ومميز ومختلف
واعطتها لها قريبه جزاها الله كل الخير ويقومها بالسلامه
حمات اختي بتحب البتزا والمعجنات دي فطلبت من اختي بتزا اخدت الطريقه وعملتهالها وفطروا بيها الصبح مع بعض
ولما هتسافر وجايه عندي عجنت لها واحده والصبح كلوها بالهنا واتصلت بيها تشكرها عليها طلعت جميله برضه
وهي المقادير بتعمل واحده عائلي
المقادير
نص م ص خميره فوريه
نص م ص سكر
يقلبوا ويتركوا ساعه يخمروا
ويعجنوا مع
كوب دقيق منخول
بيضه
ربع م ص ملح
2 م ك زيت
المفروض الطريقه من غير ماء بس انا واختي احتجنا رشة ماء دافئ مع العجن
ويتخمروا ليله كامله
واثناء التشكيل يضاف جبنه رومي مبشوره وتعجن بها
وفرن 10 ق
ودي صورة اول تجربه عملت مقدارين واحده خميره فوريه وواحده بالخميره الطازه حجم البندقه
دي التجربه التانيه صورت الخطوات
دي الحشو لقيت باقي بطاطس مسلوقه ومتحمره من الغدا فقطعتها وحمرت بصله بسمن وتوم والبطاطس وفلفل اخضر وطماطم وملح فلفل زعتر ريحان بردقوش
وفي الاخر بيضه
وريحة الحشوه لمت الناس للمطبخ يسالوا عنها
وهنا اتبقى من الحشوه الجباره في رغيف وحمصته مع وقت سوا البتزا وبقى مقرررررررمش
هنا اول تجربه عجينه ماشالله سهلة الفرد وجميله هتعرفوها لما تجربو
هنا واحده معجونه برومي والتانيه لا
والحشو صلصه
وبصل وتوم وفلف وطماطم ورومي وواحده ساده حسب الرغبه
وبلوبيف وجبنه بيضه فيتا وزتون اخضر واسمر
وهنا الفطيره دي السريعه عالعشا بنفس اليوم الطلب زاد عالبتزا
عجنت كدا من دماغي
1 ونص ك دقيق مع م ص خميره وملح وماء دافئ
وطلعت هشه وطريه ومقرمشه من برا وجميله والحشو بواقي الحشو البلوبيف
ويارب تعجبكم بارتي بيتزا
الروابط المفضلة