العيش الشمسى (الصعيدى )
لعيون حبيبتى لبنانيه بجده والمنتدى كله
ان شاء الله تعجبكم الطريقه لانها صعبه شويه

اولا

من الاسم العيش الشمسى لانه بيخمر فى الشمس
وفى ناس بتستغنى عن الشمس وبتخمره على المروحه

ثانيا

الادوات المستخدمه

المقارص (دى اللى بنحط عليها الرغيف عشان يخمر وننقله من مكان للتانى )
بتكون من الورق او من الخشب ولو مش موجوده عندك ممكن تستخدمى كارتون مقوى )
المطرحه (اللى بنستخدمها عشان ندخل الرغيف فى الفرن )

ملحوظات

المقادير اللى احنا بنستخدمها وهى طبعا كبيره جدا لان كميه العيش بتقعد معانا 15 يوم وبنحط العيش فى الديب فريزر وبنطلعه على التسخين

الخميره بتشتريها من الفرن بتاع العيش الجاهز ولما تعمليها فى البيت عندك قبل الخبيز شيلى منها جزء فى التلاجه واستخدميه فى الخبيز المره اللى بعده وكل مره تعملى كده

بالنسبه لنوع الدقيق احنا بنخلط دقيق بلدى وعليه دقيق فينو
العيار ....بنستخدم علبه سمن العاديه مش الصغيره

المقادير بتاعتنا

(بكرر انها كميه كبييره)

7 علب(زى مقلنا بنعيرهم بعليه السمنه) من الدقيق البلدى
اعلبه من الدقيق الفينو
ملح بسيط
الخميره(بنستخدم نوعين خميره نوع بتاع الفرن والتانى اسمه خميره بيره(بتكون زى المعجون مش بودره)

لو احنا هنخبز العيش الصبح يبقى نعجن الخميره من بالليل

طريقه الخميره

هنحط الخميره اللى هنشتريها من الفرن مع علبه ونص دقيق(من ال8 اللى قلنا عليهم) ونعجنهم بالماء وتترك الى الصباح لكى تخمر

قبل الخبيز نحضر المقارص ونفرشهم طبقه خفيفه واحده واحده بالرده عشان ميلزقش فيهم العجين زى كده

هنبدأ العجن

الميه (بتكون حسب ميحتاج العجن ممكن تزودى لو حسيتى العجينه محتاجه كمان )

هنحط الماء الساخن وملح بسيط ثم الخميره البيره ثم الخميره اللى احنا عملناها
من بالليل ثم الدقيق

واعجنى على اد متقدرى بعد كده لحد ميكون شكل العجين كده

تبدأى بتقطيع العجين الحجم اللى يريحك باليد زى كده

وتدوريه فى ايدك وتخليه يلمس الدقيق قبل متحطيه على المقرصه

ثم يوضع على المقارص وتكررى بنفس الطريقه كل الكميه

هنا بعد مخلصنا تقطيع العيش وصلنا لمرحله التسليم على العيش (يعنى نفرده باليد ونكون ماسكين قماشه )

هنا فى الصوره الفرق بين العيش قبل الفرد وبعده

بعد مخلصنا فرد كل العيش هنطلعه فى الشمس

هنسيبه شويه لحد ميخمر وتلمسى وجه العجين تلاقيه بقى جامد مش طرى ونروح قلبينه على الوش التانى اللى فيه الرده ونسيبه يخمر كمان شويه

دلواتى العيش خمر كله فى الشمس هنرجعه فى الظلال تانى
وهنبدا نشققه ونخبزه

التشقيق بيكون على داير الرغيف بالسكينه زى كده

كده بقى جه دور المطرحه واحنا بنستخدم بدل المطرحه مضرب خشب بتاع الركيت

وماما بتحط العيش عليها بحيث يكون وجه العيش اللى فيه الرده من تحت وتضغط على الرغيف ضغطه خفيفه بايدها وترصه جوا الفرن

الفرن بتاعتنا حديد بتساع 12 رغيف مره واحده وبتكون فى نار من تحت ونار من فوق زى كده

هنسيبه لحد ملونه يحمر من فوق ومن تحت

وأكيد تعبتو (صح)

بالهنا والشفا

تسلمي يا رومة على الخبز اللي بشهي
والطريقة واضحة جدا
لكن بدي اسال سؤال
التشقيق بالسكين دائر العجين فقط او كله ؟؟

جزاكم الله كل خير واعطاكم كل ما تتمنوه

كتبت بواسطة لبنانية بجدة

تسلمي يا رومة على الخبز اللي بشهي
والطريقة واضحة جدا
لكن بدي اسال سؤال
التشقيق بالسكين دائر العجين فقط او كله ؟؟

جزاكم الله كل خير واعطاكم كل ما تتمنوه

نورتى يا احلى جوجو
ويارب تكون الطريقه سهله عليكى
التشقيق حبيبتى بيكون داير الرغيف كله

ماشاء الله

الباين انها رحلة طويلة بس متأكدة انها رح تكون ممتعة

بس النتيجة رائعة يسلمو أيديك

كتبت بواسطة um mariah

ماشاء الله

الباين انها رحلة طويلة بس متأكدة انها رح تكون ممتعة

بس النتيجة رائعة يسلمو أيديك

اهلا بيكى ام ماريا وتسلمى من كل شر

هى فعلا رحله طويله بس ممتعه وخصوصا مع التعود

تبارك الرحمن عليك

رووووووووعة ماشاء الله

الله يسلم ايدياتك يارب

ألف صحة على قلوبكم

موضوع تراثى اكثر من رائع
أثرى كثيرا مكتبه لكى و بالذات قسم المعجنات اللى احنا ساكنين فيه
تسلم ايدك و ايد كل الصعايده اللى بيعملوا العيش الحلو ده

ما شاء الله
خبزات بشهوو
تسلم الايادي يا رب

ياااااااااااااااااااااااااااااه فكرتنى بأام زمان لما كان يجلنا العيش الشمسى من البلد قصدى بلدنا فى الصعيد وكنت بفرح بيه قوى لأنى مش باكل الفته الا بيه اونبله بميه دافيه بس مش كتير علشان ميبوش وناكله بجنة قديمة اكتر حاجة كنت مفتقداها لما اتغربت هو ده انا لو عليا كنت خت الخبيز كله وجريت ههههههههههههههه
بالهنا والشفا

صحيح ا رومة لو انا عاوزة اعمله فى البيت ينفع مع العلم بأنى على فرن البوتاجاز ومفيش شمس