انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 23 1234511 ... الأخيرالأخير
عرض النتائج 1 الى 10 من 224

الموضوع: -ملف متميز-روائع من الكيش بلمسات مصريه أصيله من مطبخ نور الهدى بالخطوات المصوره

  1. #1
    noorelhoda's صورة
    noorelhoda غير متواجد "متميزة صيف 1429هـ و مُبدعة صيف 1430هـ "صانعة الأطايب
    تاريخ التسجيل
    Nov 2007
    الموقع
    اللهم هون على غربتى واحفظ لى زوجى وابنتى
    الردود
    21,464
    الجنس
    امرأة

    المواضيع المتميزة -ملف متميز-روائع من الكيش بلمسات مصريه أصيله من مطبخ نور الهدى بالخطوات المصوره

    السلام عليكم ورحمه الله وبركاته






    سيدات وبنات المنتدى وخاصه ركن المعجنات او ركن التسمين والوزن الكبير أخباركن ايه
    اليوم ان شاء الله معى وصفه جميله يارب تعجبكن الا وهى

    الكيش


    وكتير ميعرفوش ايه هو الكيش
    الكيش هو نوع من انواع التارت انما الحادق منه ولذيذ وجميل وسهل
    طريقه اعداد العجينه ثابته وسهله جدا أنما التغيير بيكون فى الحشوات وطبعا العجينه لا يدخل فيها خميره ابدا وأنا اليوم ان شاء الله حعرض لكن الطريقه بمختلف الحشوات ان شاء الله تنال اعجابكن
    بسم الله نبدأ
    مقادير عجينه الكيش
    (تكفى لعمل صينيه مقاس 28)
    انا طبعا عملت مقدار اكبر لانى عملت اشكال مختلفه
    مقادير الصينيه
    3 كوب دقيق
    3 صفار بيض (حجم كبير )
    كوب وربع زبده مقطعه مكعبات
    (وتكون طريه بدرجه حراره الغرفه)
    ذره ملح
    ربع كوب ماء بارد وممكن نحتاج رشات بسيطه من الماء

    طريقه عمل العجينه
    نقوم بوضع الزبده المقطعه على الدقيق المنخول ومعاه الملح
    وتفتت بالعجانه على اقل سرعه
    (يمكن استخدام اليد )



    وده شكل العجين مفتت الى حد ما


    نغطى القدر ونترك الدقيق المفتت هكذا حوالى ربع ساعه
    وبعدها نعود للعجانه ونضيف صفار البيض الواحده تلو الاخرى
    ونعجن على سرعه اعلى


    نبدأ باضافه ربع كوب الماء البارد بالتدريج ونعجن ونشوف لو العجينه احتاجت ماء نضيف بالملعقه بسيط جدا الى ان تصبح جاهزه سنجدها ناعمه ولكنها ليست طريه بل قاسيه قليلا قليلا الى حد ما


    نلفها فى كيس وندخلها فى الثلاجه نصف ساعه قبل الاستخدام
    بعدها نشغل الفرن ونرش الرخام دقيق ونفرد العجينه بسمك 1 سم



    نضع الصينيه فوق العجينه ونقطع بالسكين مقاس اكبر من الصينيه الى حد ما علشان الجوانب


    نضع العجينه فوق الصينيه ونظبطها باليد ونمشى الشوبك على حواف الصينيه لتقطيع الزوائد



    ملحوظه مهمه جدا جدا جدا

    زى ماقلت فى البدايه الكيش نوع من التارت انما حادق
    لما نعمل الحادق بنضع الحشو عالعجين وندخله الفرن الكل ينضج معا انما لو عملنا التارت كحلو بحشوه اخرى زى الكاسترد والفواكهه مثلا فهذا يتطلب وضع الصينيه بالعجين فى الفرن حتى ينضج العجين ونخرجها ثم بعد ذلك نضع الحشو الحلو ومنها عالثلاجه
    نستكمل باقى الطريقه
    نجهز الحشو طبعا اختيارى
    انا استخدمت سجق بلدى مصرى بفتحه وااخذ الحشو اللى بداخله وارمى الجدار الرقيق
    مقادير الحشو
    كوب سجق
    2 صفار بيض
    فلفل اسمر
    رشه ملح بسيطه
    (لان السجق مملح وايضا سنستخدم جبن)
    نصف كوب جبن شيدر مبشوره
    كوب كريمه خفق او اللى بنسميها لبانى غير محلاه طبعا
    واذا لم تتوافر نستخدم نصف كوب لبن ونصف كوب قشطه طازجه
    نضع السجق فى الصينيه واضفت قطع زيتون


    وفى طبق واسع نضع اللبن وصفار البيض والفلفل والملح



    رجاء عدم الرد الموضوع لم يكتمل بعد

  2. #2
    noorelhoda's صورة
    noorelhoda غير متواجد "متميزة صيف 1429هـ و مُبدعة صيف 1430هـ "صانعة الأطايب
    تاريخ التسجيل
    Nov 2007
    الموقع
    اللهم هون على غربتى واحفظ لى زوجى وابنتى
    الردود
    21,464
    الجنس
    امرأة
    نستكمل معا ان شاء الله باقى الموضوع

    نضع الخليط فى الصينيه ونرش الجبن المبشور


    ندخلها الفرن حوالى ساعه او ساعه وربع على درجه حراره 180 عالرف المتوسط

    طبعا هى الان فى الفرن والى ان تنضج نعمل حشوات اخرى

    انا زى ماقلت عملت كميه مضاعفه
    فردت العجينه وقطعتها دوائر

    ووضعت الدوائر فى قالب الكب كيك
    على ان تكون العجينه مرتفعه للجوانب

    انا استخدمت نوعين من الحشوات
    الاولى سبانخ وعليها بصل وسماق وملح وفلفل
    والتانيه جمبرى بالتوم والتوابل وطبعا الجمبرى غير ناضج


    وضعت جزء من خلطه اللبن بالبيض السابق ذكرها ورشيت الجبن


    ودخلتها الفرن ونختبر نضجها بوضع سكين
    زى البشاميل كده

    وده شكل الصينيه والقوالب بعد تمام النضج




    وهنا فى طبق التقديم






    وده الكب كيك اللى عملته وشوفو شكله من تحت ماشاء الله متحمر تمام التمام


    آخر مرة عدل بواسطة noorelhoda : 18-02-2009 في 07:24 PM

  3. #3
    noorelhoda's صورة
    noorelhoda غير متواجد "متميزة صيف 1429هـ و مُبدعة صيف 1430هـ "صانعة الأطايب
    تاريخ التسجيل
    Nov 2007
    الموقع
    اللهم هون على غربتى واحفظ لى زوجى وابنتى
    الردود
    21,464
    الجنس
    امرأة
    هنا عملت تارت حلو
    المقادير تقريبا واحده للعجينه بس اضفت عليها ربع كوب سكر بودره وزودت مقدار الماء بدلا من ربع كوب بقى نص كوب
    انا عملت المقدار اللى انا كتبته فوق وقسمته على صينيتين
    عملت العجينه وحطيتها فى صينيه وخرمتها بالشوكه
    ودخلتها الفرن تستوى وبعدها خرجتها ووضعت الحشو وهو عباره عن كاسترد
    كان باودر جاهز واتبعت نفس المقادير اللى عالعلبه
    واليكن خطوات التارت الحلو


    وخرمتها بالشوكه ووضعتها ربع ساعه فقط فى الفرن

    وخرجتها ولما بردت وضعت الكاسترد


    وضعته يجمد فى التلاجه ساعه تقريبا وبعدها زينته




    انتهى موضوعى عن الكيش او التارت بنوعيه
    اتمنى يعجبكن اخواتى

    اللهم اكفينى شر كل لئيم وغيور وحقود اللهم أمين

  4. #4
    تاريخ التسجيل
    Sep 2007
    الموقع
    يا مصربحبك ..بحبك يا مصر..بحبك يا بلاااادي
    الردود
    2,750
    الجنس
    امرأة
    ما شاء الله لا قوة الا بالله.........

    ايه الجمال و الروعه دي يا نور...

    بسم الله...و من شر حاسد اذا حسد..

    تحفه..
    ربنا يخليك لاهل بيتك...و ما يحرمنا منك ولاا من وجودك ابدا...يا غالية الغالييين

    آخر مرة عدل بواسطة الزينب : 18-02-2009 في 07:13 PM

  5. #5
    تاريخ التسجيل
    Jan 2007
    الموقع
    بين احبابي
    الردود
    14,077
    الجنس
    امرأة
    التدوينات
    7
    التكريم
    • (القاب)
      • متألقة صيف 1432هـ
      • مُبدعة صيف 1430و1431هـ
      • فنانة الحلويات
      • خبيرة طبخ متميزة
    الله الله يا ام نور يا قمر روعةةةةةةةةةةةةةةةةةةةةةةة تسلم ايدك يا رب واكيد منك اي حاجه تبقي متقنه وحلوة

  6. #6
    شخبط شخبيط's صورة
    شخبط شخبيط غير متواجد صاحبة الحضور المتميز بمطبخ لك "مُبدعة صيف 1430هـ" زهرة العطاء في ركن المعجنات
    تاريخ التسجيل
    Jul 2007
    الموقع
    فى قلب بناتى
    الردود
    6,448
    الجنس
    امرأة

    beatheart

    بسسسسسسسم الله ما شاء الله بجد
    روووووعه روووعه بمعنى الكلمه
    ومهما قولت مش هكفيكى من كلام حبيبتى
    على مدى اعجابى بشغلك
    واسمحيلى بالطبق ده يا غااااااليه


    فعلا يجننننننننننننننننننننننننن
    طب استنى ادوق اللى بالجمبرى


    رااااائع جدااااااااااااااا
    ولا الحلو شكله يجنننن
    حبيبتى تسسسسلم الايادى
    والله يبارك ليكى فى بنتك وزوجك

    "اللهم إني أستودعك جنيني الذي في رحمي، أنت الذي لا تضيع ودائعك يا الله"
    "اللهم ارزقه جمال الخَلق والخُلق، وقوة الدين والبدن، وسعادة الدنيا والآخرة"



  7. #7
    تاريخ التسجيل
    Mar 2005
    الموقع
    غايب عن عيني من مده ** حبيب نحبه ** لين الخاطر واصل حده
    الردود
    3,169
    الجنس
    امرأة

    اما انا اخدت هده ولا احد يقرب عليها
    وقد اعذر من انذر
    تسلم ايدك حبيبتي
    بجد شغلك ياخد العقل زيك ماشاء الله
    تسلم ايدك وربي يحفظك ويخليلك احبابك
    واسال الله ان يكفيك شر كل لئيم وحقود ويصرف عنكم البلاء





  8. #8
    تاريخ التسجيل
    Dec 2007
    الموقع
    في ارض الله..جارة البحر
    الردود
    13,440
    الجنس
    امرأة
    التدوينات
    1
    التكريم
    • (القاب)
      • درة صيفنا إبداع 1432هـ
      • حوارية متميّزة
      • متألقة صيفنا إبداع 1431 هـ
      • نبض وعطاء
      • مبدعة صيف 1429هـ
      • متألقة الحرف
    (أوسمة)
    تحفة
    بارك الله إبداعك
    .أختي الغالية أم نور

    تعجبني المملحات .
    وتعجبني طريقتك في تزيين الحلويات
    شكرا لك.




    {اللهم لك الحمد، وأنت المستعان وبك المستغاث، وإليك المشتكى،وعليك التكلان، ولا حول ولا قوة إلا بك}







  9. #9
    تاريخ التسجيل
    Sep 2005
    الموقع
    **لـــ مع أحبائي ــك**
    الردود
    25,621
    الجنس
    امرأة
    التكريم
    • (القاب)
      • فنانة المعجنات
      • درة صيفنا إبداع 1431هـ
      • نبض وعطاء
      • طاهية متألقة
      • المشرفة المثالية لشهر جمادى الثانية
    (أوسمة)
    يا سلالالالالالالالالالالالالالالالالالالالالام عليك
    انا اعشق هالعجينة فالموالح سهلة نتائجها خرااافية و بتنفع للعزايم باي شكل
    لي عودة لانك جوعتييييييييييييييييييييييييينييييييييييييييييييي
    هاتي حتة يا اما ما فيييييييش تميز
    شروووووووووووووط التميز الجديدة ههههههههههههههه



    لو علمت اسيرة بالامر حتطردني هههههههههههه

  10. #10
    شخبط شخبيط's صورة
    شخبط شخبيط غير متواجد صاحبة الحضور المتميز بمطبخ لك "مُبدعة صيف 1430هـ" زهرة العطاء في ركن المعجنات
    تاريخ التسجيل
    Jul 2007
    الموقع
    فى قلب بناتى
    الردود
    6,448
    الجنس
    امرأة
    مبررررروك يا قمر التميز والتثبيت فعلا الموضوع يستحق

    "اللهم إني أستودعك جنيني الذي في رحمي، أنت الذي لا تضيع ودائعك يا الله"
    "اللهم ارزقه جمال الخَلق والخُلق، وقوة الدين والبدن، وسعادة الدنيا والآخرة"



مواضيع مشابهه

  1. الردود: 128
    اخر موضوع: 17-04-2010, 06:01 PM
  2. الردود: 84
    اخر موضوع: 27-12-2009, 12:12 PM
  3. **ملف متميز**حصريا من مطبخ نور الهدى التوست الرخامى بالشيكولاته بالخطوات المصوره
    بواسطة noorelhoda في المعجنات والسندويشات والفطائر والخبز
    الردود: 194
    اخر موضوع: 23-11-2009, 08:25 PM
  4. ** موضوع متميز ** مناقيش لبنانيه عالطريقه المصريه من مطبخ نور الهدى بالخطوات المصوره
    بواسطة noorelhoda في المعجنات والسندويشات والفطائر والخبز
    الردود: 146
    اخر موضوع: 22-10-2009, 01:26 PM
  5. **متميز ** تطبيقي لعجينة الكيش للغالية نور الهدى وعمل الكيش لوران في مطبخ رضوى
    بواسطة radwa1981 في المعجنات والسندويشات والفطائر والخبز
    الردود: 47
    اخر موضوع: 05-03-2009, 11:29 AM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ