تارت بالجبنه او بتشكيله من الجبن
تارت بالجبنه او بتشكيله من الجبن
انا شفتو في منتدى من المنتديات من سنتين وكان اسمو اعتقد اخوات طريق الاسلام
مقادير التارت او العجين :
كوب دقيق
نصف كوب زبده مقعه مكعبات جامده
ربع كوب ماء ساقع
ذرة ملح
القليل من الزعتر اللبناني
مقادير الحشو :
جبنه رومي كميه معقوله
وجبنه شيدر
وجبنه بيضاء
وزيتون أخضر مخلي شرائح
وبضتين وكوب لبن حليب ساقع وزرة فلفل مطحون اسود
طريقة تحضير العجين:
نضع كوب الدقيق وذرة الملح والزعتر والزبده المقطعه في اناء غويط
ونفركهم ببعض لحد ما يبقو زي الرمله
وبعدين نضيف ربع كوب الماء الساقع
ونعجنهم حتتكون عجينه نفردها في صينيه دهناها بنقطة زيت وافردي العجينه بس اعمليلها سور حديقه كبيييير ههههه( يعني اعملي ليها حواف
طريقة وضع الحشو او الجبن والزيتون على العجين:
نضيف الجبن الشيدر في القاعده والجبن الرومي كمان ونفرفت عليهوم قليل من الجبنه البيضاء فرافيت كويسة الحجم
ونحط معاهم زيتون مقطع اخضر
جه دور كوب اللبن الساقع مع الفلفل الاسود المطحون والبيضتين تضربيهوم كويس بمضرب اليدالعادي اضربي اضربي ميهمكيش حاجه دا انا ضربت ضرب ومخفتش عادي يعني ههههه
مفتريه ههههههههههههههههه
وبعدين كوبيهوم في الصينيه هنا بعد ما كبيت اللبن والبيض اللي ضربتو
وانا رشيت عليهوم رشة زعتر لبناني لاني بحب الزعتر جداااااااا
لدرجة انكم لو بصيتو جوا قلبي حتلاقو ساندوتش الزعتر قاعد ومتربع جوه من معزتو وغلاوتو عندي
ودخليها الفرن 45 دقيقه فقط او لما تحسي ان الوش احمر شويه طلعيها
شوفي الوش محمر ازي
ملحوظه يفضل انك تكوني مولعه الفرن قبل ما تدخلي الصينيه بعشر دقائق
ولما تخرج شمي الريحه وقوليلي
الله الريحه تجنن بجد حتعجبكو جدااااا
والطعم رااائع
وشوفي طبقة الجبن والبيض مرتفعه ازاي
والعجينه بتكون شبه البسكويت مقرمشه يم يم يااام
يا رب تعجبكم ومبياخدش اي وقت في التحضير
والسلام عليكم ورحمة الله وبركاته
يللا باي
موبايلات بقا
بااااي
كانت معكم الطاهيه ندى من قناة الدبليو سي w.c جمهورية مصر العربيه القاااااهره ههههههه (الاسكندريه )
رد مع الاستدلال
كتبت بواسطة أم العلاء 2
[
.
الروابط المفضلة