كتبت بواسطة
egyptian sister
لا كملي جميلك بقه يا عسل وقوليلنا عملتي الكرواسون والرقائق ازاي يعني طريقه لفهم وكمان الخبز الفرنسي معلشي انا طماعه شويه
ههههههههههه
من عيونى حبيبتى
شوفى خلينا نبدا بالبريوش مش كرواسان
زودت السكر فى العجينه واستخدمتها للسينابون والبريوش
وشكلتهم ودهنت الوجه بيض بالنسبه للبريوش ورشيت عليه سكر
السينابون
فردت العجينه على شكل مربع كبير ورشيت عليها خلطه من القرفه والسكر الاسمر وشوى كاكاو ولفيتها زى السويسرول وقصيتها حلقات كل حلقه بعرض اصبع تقريبا
وصفيتهم فى صينية الفرن واول ما يتسوا وهما سخنين صبى عليهم صوص الكراميل
الخبز
طبعا انتى وراحتك ممكن تعملى الخبز ساده وممكن تخلطيه بخلطه من البقدونس والبصل بعد ما تشوحيه فى شويه زيت وزيتون طبعا تخلطى العجينه بالخلطه بعد ان تختمر وخليها ترتاح تانى نص ساعه وبعدين افرديها فى صينيه للفرن وانتى وذوقك تحبيها غليظه والارقيقه
وادهنيها بزيت زيتون على الوجه ورشى عليها حبة بركه او سمسم ودخليها الفرن
الباقيت او الخبز الفرنسى
قسمى العجينه الى كور وباحجام متساويه كل كوره تقريبا فى حجم كرة التنس
ثم ايدك وعلى سطح المطبخ لفيها الى ان تاخد شكل طولى وحطيها فى صينيه الفرن وخليها تختمر فى مكان دافى نص ساعه وبعدين ادهنيها بصفار البيض وممكن تعملى فيها شقوق بالسكين ودخليها الفرن
وصحتين وهنا حبيبتى
انا ان شاء الله انزل موضوع تانى عن نفس العجينه وبالخطوات المصوره لكل التفاصيل
الروابط المفضلة