ازيكواااا يا قمرات النهارده حنعمل باتون ساليه بس شكله مختلف مش صوابع طويله

نبدا بالمقادير
4 ك دقيق
1/2 ك زيت وسمنه مع بعض
4 م كبيره كمون محمص
م كبيره خميره فوريه
لبن للعجن
2 بيضه
رشه ملح
م صغيره سكر

المفروض كنت اضرب البيض مع السمنه الاول وبعدين نضيف باقى المكونات بس بصراحه نسيت وحعملت كله على بعضه و مفيش اختلاف ولالا حاجه

ونعجن لحد ما تتماسك وتيقى بالشكل ده

نسيبها ترتاح شويه من نص ساعه لساعه كده وبعدين نرش دقيق على الرخامه ونفرد العجينه

نقطعها بقطاعه البيتزا شرائط رفيعه

ونلفها بالشكل ده او لو عايزيم تخلوها صوابع طويله براحتكواا

نرصها فى صينيه مدهونه زيت وندهن الوجه ببيض ولبن وفلفل اسود

وطبعا نكون مسخنين الفرن وندخلها لحد ماتحمر من تحت وبعدين نشغل الفرن من فوف
ودى النتيجه

مستنيه ارائكوا يا قمرات ورددكوااا الحلوه

بداية متميزة ما شاء الله عليك
يسلموا ايديك و لا تحرمينا جددك غلاتي
و هلا و سهلا بيك اختا غالية بينا

بسم الله ماشاءالله عليكى

تسلمى على الوصفة الجميلة

وتسلم الايادى الحلوة

وبالهنا والعافية عليكم يارب

روووووووووووووووووووعه ما شاء الله
تسلم ايدك حبيبتى على الباتون ساليه الرائع

بالهناء والشفاء بس مين هيعمل 4 كيلو دقيق
ربنا يكون فى عون اللى هيكلها لو كانوا اتين

وعلى العموم جزاكم الله خيرا
واحسن الله اليكم

كتبت بواسطة رحمة الرحمن1

بالهناء والشفاء بس مين هيعمل 4 كيلو دقيق
ربنا يكون فى عون اللى هيكلها لو كانوا اتين

وعلى العموم جزاكم الله خيرا
واحسن الله اليكم

لا يا قمر 4 كوبيات بس مش كيلو

يسلمو ايديك على الشكل الجميل واليدين اللي يتلفو في حرير
الله يديك الف عافية ويجازيك كل خير

وصفه رااااااااائعه و شهيه

يسلموا ايديك

تسلم ايدك على الباتون سالية اللي فكرة تشكيلة جديدة وجميلة جدا
شكرا نانا

رووووووووعة
تسلم ايديك ياقمر
وبانتظار ابداعاتك الحلوة دائما