**موضوع متميز**سندوتشات كبدة اسكندرانى سادة وبالصلصة تحفة
ازيكم يا صحباتى
عملت امبارح على العشاء كبدة رهييييبة
عايزين
كيلو كبدة مقطعة اسكندرانى او نص حسب الافرد
انا عملت نص لفردين
وفلفل مقطع
طماطم مقطعة
ليمون
خل
زيت
كمون
ثوم
الطريقة
ننقع الكبدة فى الخل علشان تروح ريحتها والمعروف ان الكبدة مبتتغسلش لانها لو اتغسلت تتظفر
فبنقعها فى خل تلت ساعه
نضرب الثوم والكمون والملح مع بعض
ونحطهم على النار مع الزيت ياخدوا لون
بعدها نحط الفلفل والطماطم ونقلب لغايه ميدبلوا شويه وينزلوا ميتهم
نحط الكبدة ونقلب ونسيبها تستوى لوحدها من غير ميه هى والمكونات هينزلوا ميه ولو احتاجت بس نحط شويه صغيرين
ونعصر الليمون عليها
بعد متستوى ناخد الجزء السادة فى طبق لوحدة
ونحط معلقتين صلصه كبار على الجزء التانى ونزود ميه ونسيبها تستوى
الموضوع كله مش هياخد نص ساعه تقريبا والنار بتبقى هادية لان الكبدة روحها خفيفة
يلا بقى ناكل الصور
ان شاء الله هتعجبكم
مع تحيات كبدة المعلمة سمسمة
رد مع الاستدلال
كتبت بواسطة moon and stars
.
الروابط المفضلة