السلام عليكم ورحمه الله وبركاته
الناهرده بقدملكم طريقتي المتواضعه في عمل الحواوشي
والحمد لله بيطلب مني لاني بعمله من غير دهون نهائي
فبيبقى خفيف وطعمه لذيذ جدا
لدرجه اني ملحقتش اصور الخطوه الاخيره لانه اتنسف الحمد لله
اتفضلو معايا

المقادير لعمل ( 10 ارغفه)

كيلو لحم مفروم

4 بصلات كبار
2 م ك ملح
2 م ص فلفل اسود
2 م ص فلفل ابيض
2 م ص بابريكا
1 م ص خل
10 ارغفه خبز

الطريقه

نحط اللحمه ونضيف عليها كل المقادير بالشكل ده

ونقلبهم كويس جدا لحد ما يمتزجو تماما ونحطهم في الثلاجه لمده ساعه على الاقل

وبعدين بنفتح العيش بالمنظر ده

وادي شكل الرغيف بعد الحشو

وبعد ما نحشي الكميه كلها بنلف كل رغيف في ورق فويل بالمنظر ده

وادي الكميه كلها بعد ما اتلفت بالفويل

ونكون مسخنين الفرن لمده 10 دقايق ونحط الارغفه على شبكه الفرن بالشكل ده

ونسيب الحواوشي في الفرن لمده 40 دقيقه
ولما يخرج بنفتح الفويل بيكون بالشكل ده

وللاسف ملحقتش اصور الشكل النهائي في الطبق لانه اتاكل في ساعتها
ايه رايكم في الطريقه؟

راائعة
تسلم الايادي أم ملك
تقومي بالسلامة إن شاء الله

حواوشى رااااااااااااائع
يسلموا حبيبتى

طبعا الحواوشي معلهوش كلام
الاكله الي مش تكون موجوده ومتاكليهاش
تسلم ايديك حبيبتي

ما شاء الله حبيبتي

حواشي روعة من ايديك يا ام ملك

حتى لو ما في صورة الطبق النهائي بس في الشكل النهائي للحواشي بعد النضج وشكله روعة حبيبتي

بارك الله فيك وجزاك كل خير ان شاء الله

ما في احلى من كده
يسلموا ايديك و صحتين و الف هنا

جزاكن الله كل خير
تسلمولي عالتشجيع
بارك الله فيكم

ما شاء الله راااااااااائع تسلم ايديك

اشاء الله عليكى حبيبتى بموت فيه وخاصه لو عليه
طبقه دهن روووووووووووووووووووووووووووووعه
ربنا ميحرمناش من اكلك الجميل ده

تسلمولي يا بنات
نور الهدى
انا هاجي فيكي فين يا قمر؟