اخواتي اللي جربت عجينه العشر دقائق او اي نوع من انواع المخبوزات


انا دايما الاقي ان العجينه مش بتتماسك ومهما احط دقيق


الاقيها تمسك في ايدي ومش بعرف اشتغل بيها


واعتقد السبب ان العيب من الدقيق
عشان كده
عايزه اسأل

عن نوع الدقيق المستخدم

وطريقتكم في العجن

وهل بتلتزموا بكميه الماء والدقيق بالظبط ولا ممكن تزدوا الدقيق

وهل ممكن استبدال الخميره الجافه الفوريه بالخميره الطازجه

كمان لون المخبوزات بيكون مصفر ومش ابيض

يا تري ايه السر اللي بيخلي المخبوزات لونها ابيض وهشه

في انتظاركم

اهلا اختى الكريمه
شوفى اختى بالنسبه للمقادير انا بلتزم بها ولكن بزود الدقيق
يعنى بضع المقادير وبخلى جنبى حوالى نصف كوب دقيق
وكل ماتحتاج العجينه احط ملعقه ملعقه الى ان تتماسك
بالنسبه لأستبدال الخميره الفوريه بالاخرى
طبعا ممكن مفيش مشكله
بالنسبه للون الاصفر
ده طبيعى اختى لانك واضعه فيها زيت
فطبيعى لونها بيكون ابيض مائل للأصفرار
وممكن تجربى تعملى عجين بدون زيت او سمن حتلاقيه ابيض
اما عن نوع الدقيق المستخدم فأنا مقدرش افيدك لانى اعيش خارج مصر ان شاء الله اى حد مصرى يفيدك بالنوع وحسألك شخبوطه هى دائما بتعمل مخبوزات
واى سؤال لا تتردى اختى الكريمه

مشكوووووووووره نور الهدي حبيبتي

علي فكره انا عملت فطير بطريقتك وطلع ممتااااااااااااااااااز

تحياتي

الاخت ام نور ماقصرت مشكورة

اختى اسكندرانية

دقيق الضحى ممتاز جربية

واتمنى ان العجينة تنفع معاكى

اختى الكريمه انا سألتلك غاليتنا شخبوطه
دقيق الضحى ممتاز وكمان ممكن تجيبى دقيق متعدد الاستعمالات من عند المحلات
اللى بتبيع خامات الخبز والحلويات

غاليتنا ام نور قالتلك على المفيد حبيبتى
ممكن تستبدلى الخميره الجافه بالفريش
وانا بستعمل الفريش داائما بس بذوبها مع ملعقه صغيره سكر و2 ملعقه كبيره ماء دافى
واتركها تتفاعل مع بعضهاااااااا عدم تفاعلها تعنى ان الخميره بايظه
اللى بياثر على لون العجين اضافاتك الذبده او البيض او الزيت
بالنسبه انه يكون هش بيرجع لعوامل منها ان الخميره تكون ممتازه
لازم حبيبتى تلتى العجين كويس لو بايدك يهنى لا يقل عن 20 دقيقه
لو بالعجانه طبعا اقل
لازم العجينه تتلم فى ايدك كويس ومتسعجليش على اضافه الماء لان مع العجن بتطرى معاكى العجينه
وقت التخمير بعد العجن مهم لازم تتضاعف حجمها ولازم مده تخمير تانيه بعد تقطيع العجينه
حتى تتضاعف مره اخرى بعد التقطيع
واى سؤال انا تحت امرك

ما شاء الله نور وشخبوطة ما قصرتوا غالياتي

جزاكم الله كل خير وبارك فيكم

بس سؤال يا احلى شخبوطة انت وام نور ... بدي اجرب الخميرة الفريش فين الاقيها

لاني عمري ما جربتها وهل بتفرق في الخبز و لاعادي بس الي باعرفه انها احسن بكتير من الجافة بدي رايكم افيدوني ههههههههههههه

شكرا يا اخواتي فعلا استفدت من اجابتكم

ام ليانه

الخميره الطازجه انا بشتريها من اي محل مخبوزات متخصص

وفي محلات متخصصه في انتاج الخميره الطازجه وبيعها

ممكن تشتري قالب كبير وتجمديه

انا سمعت ان الخميره ممكن تقطع وتجمد لحين الحاجه اليها


بس مش متأكده من المعلومه

ان شاء الله بنات مصر يفيدوكي

ما شاء الله البنات ما قصرو معاكي بس انا حابه اقولك طريقتي في العجينه المذهله دي
اولا انا مش بقسمها علي مرحلتين هيا مرحله واحده وبستخدم الزبادي او اللبن الرايب وبتبقي الجينه شكلها ابيض وبتبقي طريقه زي القطن ما شاء الله يعني للمقدار 5 كوبايات دقيق ممكن كوبيتين زبادي بلدي او كوب ونص لبن رايب وطبعا بكمل عجب بالماء وبعجن كتير كتير لحد ما تطري خالص وبعدين بسيبها بس حوالي خمس دقايق بعدين احشيها وادخلها الفرن مباشره وادهين وشها باللبن الحليب علشان تبقي ذهبيه ودي تجربتي بعد ما اشتغلت علي العجينه دي كتير في الفتره اللي فاتت وكانت بتعجب الكل وقرايبي بدو يتصلو عليا علشان يعرفو مقاديرها بجد بارك الله في اللي قالت عليا وفي اللي نقلوها لانها بتبيض الوش بصراحه واي سؤال انا حاضره ان شاء الله
وبالنسبه للخميره بستخدم الطازه لان امي وهي فنانه في الطبخ والمخبوزات قالتلي الطازه افضل واحنا بنخمرها في ربع كوب ماء وبستني لحد ما تملي الوبايه واعجن بيها وبصراحه مممتازه
اتمني اكون افدتك
والسلام عليكم