**ملف متميز**هديتي لكم بعد طول الغيبة^^كل عام و أنتم بخير^^
السلام عليكم و رحمة الله و بركاته
مرحبا يا قمرات
صرلي مدة غايبة عن هالركن
ركن التسمين والتخزين
و الآن عدت و كلي أشواق و بيقولوا الجاي من الجبل بيجيب معو حجر
بس مو معقول أبدا" رغود تعملها
تخيلوا
ما في شي من الواجب بس حبيت قدملكن شوية معجنات بتاكلوها بس يجي على بالكن و ممكن اذا ملينا بالعيد من الحلويات نتملح فيها
يلا نبدأ بسم الله
1- فرنش توست
المكونات:
كيس خبز توست..بندورة..بيضة..م ك معجون طماطم..كوب حليب
جبنة شرائح..ملح و فلفل
1- نعمل الخلطة يلي رح نغمس فيها التوست
* نخلط البيضة بالحليب و ملعقة معجون الطماطم و الملح و الفلفل
و لو حبينا نضيف شوية بابريكا مو مشكلة
* نحضر قطعة التوست و نضع فيها شريحة جبنة و شريحة بندورة و فوقها خبزة تانية.
* نغمس السندويش يلي حصلنا عليه بالخليط يلي عملناه
* نحمي الزيت و نقلي التوست و ننتبه بسرعة نشيله ما رح ياخد وقت و رح يتحمر بسرعة
أنا إجاني تلفون و نسيت شوي منو فتحمروا زيادة..
* مو مشكلة استفدت من هالشي بتنسيق الطبق
تفضلوا أهلا و سهلا
******************
*****************
2-سمبوسة بالخضار و ....بالمش
من مدة جاب زوجي مش و نحنا بصراحة ما منحبه و مو متعودين عليه و ما حدا رضي ياكله..ليش جابه ما بعرف
و متل العادة مشان ما نرميه لازم نعمل فيه شي اختراع
فرمت معه شوية بصل و زيت زيتون و دبس فليفلة و عملت منه سمبوسة و تحول المش لمخلوق آخر
الأولاد حبوها كتير و خلص نص الكمية قبل ما توصل للطاولة
و صرت من بعدها جيب الجبنة و حطلها نفس الخلطة و احشي فيها السمبوسة
بالنسبة لحشوة الخضار:
بصل_توم_بطاطا_زنجبيل_ بازلاء_و البهارات كمون..فلفل أسود..بابريكا
في وعاء على النار نضع ملعقتين زيت نباتي و نقلب بها التوم المهروس و البصلة المفرومة ناعم و بعدين البزاليا و البطاطا المبشورةو الزنجبيل و باقي البهارات و الملح
نضيف نص كوب ماء و نتركها تستوي على نار هادية حتى تنشف الماء.
نتركها تبرد و بعدين نحشي فيها
* نحمي الزيت و نقلي السمبوسة متل ما بتعرفوا
و هي النوعين مع بعض
مين الشاطرة يلي بتعرف كل نوع بأي صحن
****************
*****************
3-بف باتيستري بالسبانخ
بالنسبة للحشوة:
* نضع في طنجرة على النار بصلة مفرومة ناعم مع نص كوب لحمة ناعمة كمان و نقلب جيدا" حتى الاستواء
*نضيف نص كوب جبنة بيضا ( عكاوي أو نابلسي) و الملح و البهارات حسب الرغبة و لو حبيتو تضيفوا نوع جبنة تاني ممكن..بس لا تقولوا لحدا
* نضيف السبانخ المغسولة و المفرومةو نقلبها على نار هادية حتى تنضج
* بس تبرد بتصير جاهزة للحشو:
* نلف البف بشكل رولات و نغلقها من الطرفين
* نحمي الفرن
* نصف الرولات في صينية مدهونة زيت و ممكن ندهن الوجه بالبيض المخفوق
* ندخلها الفرن حوالي ربع ساعة و تكون جاهزة للتقديم
ألف صحة وهنااا
*****************
****************
4-بف باتيستري باللحمة
عملت حشوة عبارة عن بصلة و لحمة مفرومة و فطر مقطع و ممكن جزر مبشور و حشيته بالبف و الأشكال معروفة و منها لفة حبيبة قلبي أم البنات و المروحة و ضفيرة صغيرة
ندخلها فرن حامي و نقدمها
صحة و مية هنااا
****************
****************
5-شوية معجنات بعجينة العشر دقائق
من يوم ما تعلمت هالعجينة و صرت استخدمها دائما"
الله يجزي الخير مين عملها و نشرها
1- حشوة اللحمة نفس الحشوة المستخدمة مع البف فوق
نرق العجينة لقطع صغيرة.
نحشوها و نلفها كما بالصورة
نصفها في صينية مدهونة زيت و ندهن الوجه بالبيض
* نخبزها في فرن محمى مسبقا"
و ألف صحة و هنااا
2- الميني بيتزا:
لما بيكون عنا حدا كتير مناسب تكون أشكال المعجنات و الحلويات صغيرة
بالنسبة لصلصة البيتزا صارت معروفة
نحمر التوم و شوية بصل بالزيت و نضيف الفليفلة الخضراء و صلصة الطماطم و مملعقتين كاتشاب
نضيف الأوريغانو المميز لطعم البيتزا و الملح
بعد ما نفرد قطع العجين بشكل دوائر بسماكة نص سم
نضع الحشو و فوقه الجبنة الموزاريلا و ما نرغب من خضار( فطر.. فليفلة ..بندورة..خضرا..بصل) و ممكن الدجاج المشوي أو المرتديلا
و هي البيتزا جاهزة
أنا لقيتها كبيرة شوي قطعتها بالنص
3-الجبنة
مديت العجينة بشكل مستطيل كبير و فردت الحشوة و هي(جبنة+بصلة ناعمة+2 م ك دبس فليفلة يلي ما عنده يحط بابريكا)
و لفيتها بشكل رول و خبزتها
و ها هي جاهزة
&&&&&&&&&&
&&&&&&&&&
قلت لحالي يمكن تكونوا مليتوا من طعم العجين
فحبيت ضيفكم هالطبق للتحلاية
سويس رول بالتمر و المكسرات
سامحونا على الإطالة
تمنياتي للجميع بقضاء أمتع الأوقات
*********
رد مع الاستدلال
كتبت بواسطة shahed60
الروابط المفضلة