السلام عليكم ورحمة الله وبركاته

أخواتى الغاليات ......... ربنا يبارك فيكم يا رب نفسى اعمل بيتزا ومعجنات تكون جميله ومظبوطه

انا جربت عجينة العشر دقائق قبل كده نجحت معايا مرتين وبعد كدا لا بقيت أفشل فشل زريع والمشكله انه زوجى ملاحظ ده ودايما حاسس ومحسسنى إنى مش بعرف أطبخ مع إنى والله الحمد لله طبخى حلو بشهادة كل الناس إلا زوجى ........نفسى اكون مبدعه عشان ارضيه واكون شاطره
يعنى مثلا نصايح روابط الاخوات المبدعات أى حاجه تساعدنى

والله أنا محبطه جدا ونفسيتى تعبانه اوى نفسى اكون شاطره زى أخواتنا فى المنتدى ماشاشء الله عليهم ولما أدخل المنتدى نفسيتى بتتعب أكتر

يعنى أقول ليه انا مكنش كده شطوره ومبدعه

ساعدونى ربنا يبارك فيكم إنى أكون طباخه شاطره وخصوصا فى المعجنات

انا بعمل عجينة العشر دقايق بالظبط زى ما انتم بتقولو لكن مش بتزبط معايا خالص مش عارفه ليه تخيلو انى بقيت اعيط لما تفشل معايا

منتظره ردودكم

السلام عليكم ام ايمان ممكن بس تعرفينى العجينه بتفشل ازاى وباذن الله هساعدك ياريت توضحى بتكون ناشفه ولا بعد السوا يالا انا منتظره ردك

جزاك الله خيرا يا قمر يا ام اسلام

بصى يا ستى انا لما بعجنها بتكون طريه اوى وبتلصق فبزود شويه دقيق بس عشان تبقى مظبوطه

بعد كده بتخمر ببطئ جدا يعنى بتغيب اوى

لما بخبزها وادخلها الفرن تخرج مش هشه ابدا وكأنها مكنش فيها خميره أصلا

طبعا الطعم بقه واضح من الوصف

ربنا يبارك فيكى قوليلى اعمل ايه

حبيبتي احتمال الخميرة اللي عندك منتهية صلاحيتها يعني ماتخمر
انصحك تجيبي خميرة ثانية واقري على العلبة خميرة فورية لان فيه انواع وافضلها الفورية لان تخمرها بسرعة
وممكن تعملي تجربة حتى تعرفي خميرتك كويسة تاخذي ملعقة وتخلي معاها ملعقة سكر وربع كوب ماء دافي تخلطيهم وتخليهم خمس دقايق من دون تحريك بعد الخمس دقايق اذا شفتيها مرتفعة فالخميرة جيدة واذا لا فالخميرة غير جيدة
ارجوا ان اكون وضحتلك واي سؤال اني حاضرة

تفضلي غاليتي
ملف كامل عن العجينة اتمنىيفيدك
::::ملف انواع العجائن خاص بتطبيقات عضوات لك فقط::::


جربنا لاجلكن نحن مشرفات المعجنات عجينة العشر د**شوفوا تطـبيقاتنا *

السلام عليكم ام ايمان زى الاخت ام مريم ما قالت ممكن الخميره تكون صلاحيتها انتهت وبالنسبه للعجينه لما تكون بتلزق متحطيش دقيق ممكن تحطى معلقتين زيت وتعجنى ولما تفرديها على الرخامه حطى شويه دقيق وفى اخوات هنا بيضيفوا معلقتين زبادى وهما بيعجنوها فعلا بتطلع ممتازه وكمان حطى معلقتين بيكنج بودر فى الدقيق فى القسم التانى ولو فيه اى سؤال انا موجوده باذن الله وكل سنه وانتى طيبه

السلام عليكم و رحمة الله و بركاته

شوفي يا اخت ام ايمان

يعتمد على نوعية الدقيق اذا كان الدقيق من النوع العادي لازم تستخدمي "محسّن " الخاص

بالخبز عشان تتطلع المعجنات هشة بعجينة العشر دقائق

متوفر في السوبر ماركت الكبيرة

ولكن انتبهي لا تكثري كمية المحسن في العجين

تكون قليلة جدا


وانصحك بعد عجنها تترك ربع ساعة و تترك ايضا ربع ساعة اخرى قبل دخولها الفرن

والفرن على 200 او 220

بحيث تنضج في خلال ربع ساعة فقط حتى لا تنشف

بصراحة انا كانت عندي نفس المشكلة بس بعد المحسن الحمد لله تحسنت الاحوال

بارك الله فيكم يا بنات وجزاكن الله كل خير

ان شاء الله بعد نصائحكم أجربها و أشوف النتيجه

أم ايمان أنا عندي عجينة أخذتها من أحد المنتديات وجيدة فهل تريدينها ؟؟

الماء حاولى انها تكون دافيه مش باردة او سخونة يعنى وسط
والخميرة تاكدى منها او خودى نوع جديد
بعد تشكلى المعجنات خليها ترتاح قبل دخولها الفرن وان شاء الله تنجح معاك