لحــــم بعجيـن ... صفيحة بدبـس الرمـان .. مناقيــش بالخضـار الحريـفة..من لبنـــــان !
صيام مقبول وذنب مغفور ان شاء الله
من كام يوم اجاني على الخاص طلب للمناقيش اللبنانية واليوم كمان أخت سألتني عن الطريقة بالحشوات فتذكرت اني مرة شاركت باللمة الحلوة مع الصبايا هنا في الركن الحلو بهذه الوصفة وقلت لازم أنزلها بموضوع ان شاء الله....
بعجينة العشر دقائق عملت صفيحة بالبندورة وصفيحة بدبس الرمان والمناقيش المشهورة بلبنان يلي كانت المفضلة عندي أنا ورايحة على الجامعة كل يوم الصبح....المناقيش الحارة بالخضار! مممممممم...
حشوة الصفيحة بالبندورة
لحمة مفرومة - بندورة وبصل مفرومين - لبن زبادي ملح وبهار.
حشوة الصفيحة بدبس الرمان
لحمة مفرومة - دبس الرمان - ملح وبهار وممكن يلي بيحبوا يضيفوا صنوبر.
حشوة المناقيش الحارة بالخضار
بندورة وفليفلة حلوة وبصل مفرومين ناعم - ملح وفلفل أسود ودبس الفليفلة الحمراء الحارة.
وهذه صورتها بعد الخلط
وهذه صورة اللحم بعجيم (الصفيحة) باللبن ممدودة وجاهزة للخبز
ما شاء الله ولا قوة الا بالله
وهاي الصفيحة بعد الخبز
وهذه صورة الصفيحة بدبس الرمان وجنبها باينة المناقيش بالخضرا الحارة
وهذه صور المعجنات كلهم مع بعض
ورمضان كريم وكل عام وانتو بالف خير يا رب
دعواتكم يا عحلوات...
رد مع الاستدلال
كتبت بواسطة **ام البنات **
الروابط المفضلة