خبز طبق الشوربة وصفة خصوصي لحت تكون سفرة رمضان غيررر شكل
فكرة لذيذة و مميزة كتير لتقديم الشوربة , ان شاء الله تعجبكم الفكرة
بالأول شوفوا الصورة
في الشوربة استخدم خميرتي السرية و هي كتير بتخلي المعجنات مميزة ممكن تستعمليها في أي خبز بتحبي تعمليه اخلطي الحليب و السكر و الطحين لحتى يصير عندك مزيج ناعم , تحتفظي فيها في البراد ليوم كامل قبل الاستعمال و بعدها فيك تستعمليها بأي معجنات حابة تعمليها أضيفي ملعقتين أو ثلاثة لوصفتك العادية و بعدها ادعيلي , الباقي فيك تحتفظي فيه في البراد لمدة عشر أيام بشرط تحريكها ثلاث أيام . , و أعتقد ان رند جربتها شي مرة و عجبتها , هي للتشجيع فقط
بسم الله نبدأ
..
التخميرة الأولية :
كوب حليب
كوب طحين
ثلث كوب سكر
العجينة :
ملعقة و نصف كبيرة خميرة حبيبات
نصف كوب ماء دافئ
2 ملعقة كبيرة لبن
2 ملعقة كبيرة زبدة أو سمنة بنكهة الزبدة بحرارة الغرفة
2 بيضة مخفوقة
خمس كوب و نصف طحين
للوجه :
هي فكرة شفتها من حورية المطبخ على فتافيت , نسكاافيه مع البيض و اللون طلع بيجنن
بيضة مخفوقة قليلاً
ربع ملعقة صغيرة نسكافيه
قبل بيوم من تحضير الخبز , تخلطي كل مقادير التخميرة الأولية و تخليها في البراد , في اليوم التالي بتخليها بره البراد لحتى تصبح بدرجة حرارة الغرفة .
نذوب الخميرة بالماء الدافئ بعدها نضيفها على التخميرة الأولية مع اللبن و الزبدة و البيض المخفوق و كوب و نصف من الطحين و نقلبهم بالشوكة 5 دقائق لحتى يصير المزيج مثل الكريما .
بعدها نضيف باقي الطحين بالتدريج و نعجن حتى تصيرعجينة طرية , يمكن ما يلزمنا كل الطحين حسب نوعيته .
هلأ نعجن العجينة لعشر دجقائق و بعدها منغطيها و نخليها تتخمر حتى يتضاعف حجمها .
نقطع العجينة لثمانية كرات , نصفها على صينية خبز مغطاية بورق زبدة و نغطيها و نخليها تتخمر مرة تانية حتى يتضاعف حجم الكرات
أخر الشي نمزج البيضة و النسكافييه و ندهن فيها وجه الكرات و نخبزهم على درجة حرارة 180 تقريبا ربع ساعة
لما حابة تقدمي الشوربة , نقطع شريحة صغيرة من أعلى الخبزو نفرغ لبه
شايفيين شو هش من جوى و نمممي
هلا نحط الكرات الفاضية في الفرن الحامي تقريباً 5 - 10 دقائق أو حتى ينشف شوي , بعدها نغرف فيه الشوربة و لازم تكون سميكة نوعا شوي متل شوربة الفطر أو كريم الدجاج أما الشوربات الستايلة كتير ما ينفع نستخدمهن في هل الطبق
عافية عليكم و رمضاان مبارك
لا تنسوني من دعوات حلوة بظهر الغيب من أخت لأخت و ان شاء الله الكم متل هل الدعوات الغالية و أحلى
الروابط المفضلة