صباح الخيرات على عيونكن
أنا قلت مابدهاش ولازم أستغل الوقت فى رمضان فى العبادة وقراءة القرءان والمطبخ بياخد وقت ماشاء الله ، قلت أضرب 3 عصافير بحجر وأوريكن معايا.......
قلت نديها جلاش وكان عندى لفتين قلت أخلص منهم مع بعض وقلت أعمل صوانى وأشيلها فى الفريزر تنفع فى الزنقة وقررت إنى أعمل 3 أنواع مع بعض وأشيلهم ..... شوفوا معايا
أولا الحشوة :
بدأت بعمل الحشوة أولا وعملت 3 أنواع :
حشوة اللحم المفروم : عصجت لحم مفروم عادى بالبصل وحطيت عليه طماطم مقطعة صغيرة

وبعدين عملت شوية باشاميل صغننين وحطيتهم عليها

وهب قلبت وكده الحشوة الأولى جاهزة

والحشوة التانية كانت جبنة بيضا وزيتون شرائح وشوية لبن على خفيف لزوم التقليب

والحشوة التالته كانت جوز هند وزبيب ولوز مفروم وبندق مفروم وفستق مفروم ورشة قرفة

كده خلصنا الحشوات ونيجى بأه على الصوانى
آدى منطقة العمل والصوانى مفرودهم والحشوات فى الخلفية

وآدى رشة السمن فى الأرضية

وآدى أول طبقة جلاش وعليها رشة سمن

وآدى الحشوات بعد كام طبقة كده وبين كل طبقة والتانية رشة سمن

وآدى حشوة المفروم لوحدها ورشيت عليها شوية جبن رومى مبشور

وآدى حشوة المكسرات الفظيعة

وآدى حشوة الجبنة

وآدى أول طبقة بعد الحشوات ورشة السمن

وآدى الطبقة النهائية والتقطيع

وكده خلصنا وهب على الفريزر وتفرغى للعبادة.........

طبعا وقت التسوية بيضاية مع كباية لبن وملح وفلفل للحادق ورشة فانيليا للحلو وعلى الفرررررن وألف هنا وشفا

تسلم ايديك مشكورررررررررره

تسلمى أم 3 حلوين

ما شاء الله عليكي فنانة
وفكرتك حلوة كثير
يسلمو يا عسل

تسلمي حبيبتي..

مشكوره حبيبتى تسلم ايدك
كل عام و انت بخير

rowaida أنا قلت أنجز وأكسب وقت وأعمل زيكن أنتن يافنانات
الزينب تسلميلى ياجميلة

أم شادى كل سنة وإنتى جميلة وتسلميلى

ما شاء الله حبيبتي

افكار حلوة ولذيذة

تسلم الايادي يا عسل .... بس ياريت لما تعمليهم تصوري لينا الاطباق النهائية علشان الموضوع يتكامل و يتميز كمان

بارك الله فيك وجزاك كل خير يا عسل

ورمضان كريم حبيبتي