ازيكن يابنوتات
استكمالا لمسيرة الإستعداد لرمضان وأكلاته لزوم التفرغ للعبادة فى الشهر الكريم عملت برجر بالجبنة وقلت لازم أوريهولكم ..... يللا بسم الله نبدأ
المقادير:
500 جم لحم مفروم
2 بصله وسط مفروم ناعم
ملح وفلفل وبهارات
2 ملعقه كبيرة كاتشب
1 ملعقه كبيرة مستردة
شرائح جبن شيدر
الطريقة :
يخلط اللحم والبصل والملح والفلفل والبهارات ويدعك جيدا
يضاف الكاتشب والمستردة وتخلط حتى تختفى تماما
كده اللحمه جاهزه للتشكيل
ناخد قطعه ونفردها على راحة اليد على شكل دائرة ونضع عليها قطع الجبن الشيدر
نضع عليها قطعة أخرى من اللحم ونغلقها جيدا وتشكل دائرة محكمه الغلق
تكرر العملية حتى انتهاء عجينة اللحم
ولحد هنا وأنا شلتهم فى الفريزر لكن طبعا ممكن تسويهم بطريقتين :
أولا تشويها وتقدميها مع البطاطس المحمرة والسلاطة
وثانيا تحطيها فى دقيق وبيض وبقسماط وتقليها وتقدميها فى عيش كايزر مع الكاتشب وجنبها بطاطس محمرة
ويم يم يم
رد مع الاستدلال
الروابط المفضلة