السلام عليكم ورحمة الله وبركاته
كيفكم أخواتي إن شاء الله تكونو بصحة طيبة وبخير
إلكم اليوم عندي كيكة متل ما حكيت
غريبة بس عجيبة
بصراحة لقيت طريقتها في إحدى المنتديات لكن أنا رح أطبقو بطريقتي والفكرة لصاحبة الوصفة
فالشكر لصاحبة الوصفة
فهي غريبة لأنها كيكة ..... وأنا كنت بدي أنزلها بركن الحلويات
لكن لاقيت طعمها عجيب ..... لأنها طلعت متل المعجنات
فحكيت خلص خليني أنزلها بركن المعجنات وإنتو أحكمو عليها
وصفتنا اليوم سهله وطيبة إن شاء الله وممكن استخدام أي كيكة بتنجح معك لكن أنا رح أعطيكم مقاديري
المقادير
4 بيضات
نخفقهم كتييييييييييييييير منيح مع الفانيلا
ثم نضيف ربع كأس سكر لحتى ما تطلع حلوة
ثم ثلث كأس زيت
كأس حليب سائل
ثم نضع دقيق حسب حاجة الخليط وباكنج بودر وذرة ملح
وفي صينية مدهونة زيت ومرشوشة بالدقيق ونضع القسم الأول من خليط الكيكة
ثم نوزع جبنة كيري أو لافش كيري المتوفر عندك
أنا قسمتهم من النص لحتى ما تطلع سميكة كتير
متل هيك
ونوزعهم متل ما حكينا
والآن نضع الجزء المتبقي من خليط الكيكة
والآن نرش الزعتر على الوجه
ورشة سماق كمان
وإلى الفرن
انتبهي وانت بتقلبيها وممكن إنها تضل بنفس الصينية
بس أنا قلبتها وأخدتها معي للبحر
والأولاد كتير انبسطو عليها وعجبتهم
ثم تقدم إن شاء الله ألف صحة وهنا
وهذه أقرب
إن شاء الله تكون عجبتكم وتطبقوها
وأي استفسار أنا بالخدمة
أم أحمد 2007
الروابط المفضلة