لمسات سحريه لاحلى بيتزا ايطاليه
طبعا في طرق كتييييييييييرة للبيتزا لكن انا هديكم مقادير مزبزطه اوي وتديك احلى بيتزا ايطاليه .................... مش بس كده كمان الاسرار الي تخليها مميزة
4اكواب دقيق
ربع كوب زيت زيتون
ملعقه صغيرة ونص بيكنج بودر
ملعقة صغيرة خميرة
ملعقتين صغار سكر
ملعقه صغيرة ملح
3ملاعق كبيرة دقيق ذرة
ماء للعجن
رشة اوريجانو او زعتر ناشف
والي عنده يحط نص معلقه توم بودرة ونص معلقه بصل بودرة
طبعا هنعجنها كويس جدا مش اقل من ربع ساعه عجن لانها كل متعجنت كويس تديك نتايج هايله ونسيبها تخمر تلات ارباع الساعه
اولا لازم الفرن يبقى حامي جدا وعلى 220
الصوص هيكون طماطم مبشورة مع ملعقه صغيرة كاتشب مع ملح واوريجانو
البيتزا لكا نقطعها ونفردها لاتخينه ولارفيعه
هنحطها في الرف الي تحت الي فوق الغاز عدل
طبعا كل واحد هيختار المكونات الي هوه عايزها
بس الحاجات الاسسيه زي الصوصوكتبته فوق
بعد متحطي الكونات تحطي رشه اوريجانو ورشه زيت زيتون
وهتدخل الفرن على حرارة عاليه220 ليه ؟؟؟؟؟؟؟؟؟
لان الحرارة العاليه هتخليها تقرمش من برة وطريه من جوة
لما تستوي من تحت ومبتخدش وقت كبير نطلعها ونحط الجبنه
وعلشان تديها طعم مميز استخدمي اكتر من نوع انا بستخدم
شيدر وجودة وموزاريلا بس طبعا الاكتر الموزاريلا والي يقدر يجيب كرافت كمان ممكن يستخدمها مع الموزاريلا لان هيا الاساس يعني ممكن تغيري بالانواع التانيه لكن هيه لاااااااا
بعدين تدخليها الرف الي تحت الشوايه تسيح وتاخد لون وبالف هناااااااااااااااا
متنسوش تدعولي
رد مع الاستدلال
كتبت بواسطة yehia2007
الروابط المفضلة