**موضوع متميز**ضفيرة الربيع
السلام عليكم و رحمة الله و بركاته:
مرحبا يا قمرات
شو أخباركم ..اشتقتلكم كتيير
مبارح كان أول أيام فصل الصيف و بهذه المناسبة أقدم لكن ضفيرة الربيع..
خخخخخخ
لا حدا يسأل ليش هيك أسمها..ما بعرف
هيك أهلها سموها..
خلونا بالمفيد و تعالوا نتعرف عالمحروسة:
المكونات
3 أكواب طحين
كوب جبن(خلطت جبن أبيض مع جبن كريمي)
بيضة
ربع كوب زبدة
نصف م ص ملح
نصف م ص خميرة
ماء دافئ للعجن
لإضافة اللمسة الرغودية نضيف ملعقة كبيرة دبس فليفلة
رح تعطي لون أحمر ، و طعم
حبيباتي أهم شي بالصورة تشوفوا أنه فيها زبدة إذا مو مبينة لحط صورة أقرب
الطريقة
*نذيب الخميرة بالقليل من الماء الدافئ و السكر و نتركها حتى تفور
نضيفها للطحين و بعدين باقي المواد و نخلط و نعجن حتى نحصل على عجينة طرية .
* نتركها في مكان دافئ حتى تختمر و يتضاعف حجمها.
* نقسمها 3 أقسام و نبرم كل قسم بشكل طويل لعمل شكل الضفيرة.
* بعد أن يكتمل الشكل نلفها بشكل دائري
* ندهن الوجه بالبيض و نرش السمسم و حبة البركة.
و نتركها ترتاح في الصينية المدهونة زيت..لو حبيتوا ادهنوا زبدة أو سمن بلدي أنتو أحرار..
* نحمي الفرن و نخبزها في فرن متوسط الحرارة ، بالأول النار من تحت و بس تستوي من فوق كي تتحمر قليلا"
* زاد عندي شوية عجينة عملتلها ضفاير صغار
أخواتها هدول
* و طبعا" رح نخبزهم بنفس الطريقة
و هي العيلة مجتمعة بنفس الطبق و بانتظاركن يا حلوات
* الأولاد حبوها كتير
* بتطله هشة و طرية بنفس الوقت بسبب الجبنة يلي فيها
و هي شكلها من الداخل بعد التقطيع
و هدول لحبايبي الغاليين
تفضلوا مع ألف صحة و هنا
يييييييييييييييييييي نسيت اعمل الشاي
كل وحدة تجيب كاستها معها
و الناس يلي ما بيحوا الشاي يعملوا نسكافيه
رد مع الاستدلال
كتبت بواسطة تغريد2007
الروابط المفضلة