واحيرا حفل التكريم اللى انتظرناه
ياااااااااااااااااااااااااااه بعد العجن والخبز والتعب فى الاخر ييجى التكريم اللائق من قبل مشرفات غاليات
كم انا مبسوطه الان ليس بسبب شعار يضاف لى فى توقيعى طبعا اكيد شعار جميل ويفرح
ولكنى اعترف اننى بهذا المسابقه اكتسبت صحبه جميله مباركه من اخوات فاضلات
اكتسبت رحله عبر بلداننا العربيه سوريا فلسطين ليبيا المغرب السودان السعوديه
تعرفت فيها على تراثهم ومعجناتهم ومعجنات اجدادهم وطقوسها
وبمنتهى الامانه والصراحه اتعلمت حاجات كتير كتير كتير من اخواتى مثل ماعلمت ايضا الكثير عن طريق وصفاتى والتى قامت بعض الاخوات بتطبيقها وعلى رأسهم شخبوطه (ام ياسمين ومريم ) والسوسنه الجميله اللى اشتركت وطبقت فى نفس الوقت
واكتسبت ايضا دعوات كثييييييييييييييييييييييييييييره بعد كل وصفه انزلها
ويكفى ايضا ان كثير من الاخوات كانوا يكتبوا فى تعليقاتهم مثلا
كان نفسى اعمل الوصفه بس مكنتش عارفه ازاى
طبقتها وبيضت وجهى امام عائلتى
واخت اخرى تقول لى علمتينا وصفات كنا ناكلها فقط من يد جدتنا او تعليق اخر وهذا ما عجبنى وحسيت ان تعبى اثمر
عندما قيل لى انا اول مره اسمع عن هذه الوصفه بالرغم من انها مصريه اصيله
فحسيت انى التزمت بشروط المسابقه واقتنصت جزء من بحر جدتى واجدادنا جميعا فى المعجنات التراثيه
شكرا لكل المشرفات وشكر خاص جدا جدا جدا جدا لصاحبه فكره المعجنات التراثيه
فعلا فكره مختلفه وجديده واضافت الكثير والكثير
ومن خلالكم اريد ان اقول كلمه شكر لاخت غاليه واعتبر ان ليها نصيب فى فوزى وتكريمى هى اول من ارسلت لى عالخاص رساله بالرغم من عدم معرفتى بها معرفه شخصيه قالت لى والله انا متابعه وصفاتك وانتى ماشاء الله رائعه لماذا لا تشتركى فى المسابقه عاوزين حد من مصر يرفع راسنا وبصراحه لولاها ماكنت اخذت بالى او انتبهت للمسابقه
مشكوره حبيبتى والفضل لله ثم المنتدى ثم لك يا ام ياسين
لانها كانت بتشجعنى دايما ولا اخفيكم علم انها كانت بتقترح كتير عليا بعض الوصفات المصريه
وكانت ايضا تعطينى مقاديرها مكتوبه وكنت ببعث لها صور اكلاتى قبل تنزيلها وكانت دائما تشجعنى وتجبر بخاطرى
شكرا شخبوطه ومبارك عليكى شعار التطبيق
اقولكم على سر انا وهى تقريبا كنا بنرتب حننزل ايه علشان ميبقاش فى وصفات متشابهه وكمان تستفيدوا باكبر قدر من معجنات بلادنا الحبيبه
العظيمه اللى كلامها ليا فى بدايه مشاركتى فى المنتدى كان له تاثير السحر فكانت تشجعنى دايما دايما وتقولى دى وصفات معروفه وسهله
اعملى وصفات تانيه وانا الان يا سوسنه يا جميله لما بلاقى اخت فى بدايه تعلمها بقول لها نفس كلامك ليا
ربنا يبارك لك يارب حبيبتى ويعطيكى الف صحه وعافيه ويخليكى لاولادك وأحفادك كمان
الف شكر لكن يا اخواتى والى اللقاء فى مسابقات اخرى
الروابط المفضلة