انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 13 1234511 ... الأخيرالأخير
عرض النتائج 1 الى 10 من 124

الموضوع: كعك العروسه بالعجميه والمشبك الدمياطى والزلابيا(لقمه القاضى)حصريا من مطبخ نور الهدى

  1. #1
    noorelhoda's صورة
    noorelhoda غير متواجد "متميزة صيف 1429هـ و مُبدعة صيف 1430هـ "صانعة الأطايب
    تاريخ التسجيل
    Nov 2007
    الموقع
    اللهم هون على غربتى واحفظ لى زوجى وابنتى
    الردود
    21,464
    الجنس
    امرأة

    المواضيع المتميزة كعك العروسه بالعجميه والمشبك الدمياطى والزلابيا(لقمه القاضى)حصريا من مطبخ نور الهدى

    السلام عليكم ورحمه الله وبركاته اخواتى
    اليوم ان شاء الله اقدم لكن اخر وصفاتى فى المسابقه ارجو ان تنال اعجابكم

    كعك العروسه بالعجميه
    او
    [centerكعك العيد

    طبعا لا يخلو بيت مصرى من الكعك خصوصا فى عيد الفطر المبارك

    والنوع اللى حقدمه النهارده هو كعك العيد او كعك العروسه كما قلت بيتعمل للعروسه ويذهب به الاهل لها فى اول زياره لها فى بيتها الجديد ويتم التوزيع منه للاهل والجيران وبنحشيه عجميه او ملبن او عجوه

    المقادير

    3 كوب دقيق منخول

    نصف كوب دقيق (نتركه جانبا )

    كوب وربع سمن سايح او مقدوح

    ملعقه سكر كبيره

    ملعقه خميره كبيره

    نصف كوب لبن

    ريحه الكعك ان وجد (لم يتوافر عندى )

    سمسم

    ذره ملح

    (انا استخدم كوب الماء العادى كمعيار )

    الطريقه

    نذوب السكر والخميره مع نصف كوب اللبن

    نعمل حفره فى الدقيق ونضع ذره ملح والسمسم

    ملحوظه

    يفضل السمسم يكون عادى غير محمص ويوضع عالوجه والسمن المقدوح عندما ينزل عليه سيحمصه جيدا

    اذا اردتى الكعك ناعم زودى السمن يعنى كوب وربع اما اذا اردتيه عادى يكفى كوب الا ربع فقط

    لا تكثرى من السائل كاللبن لانه بينشف الكعك على العكس من معلومه انه بيطريه

    الطريقه

    نعمل حفره فى الدقيق ونضع الملح والسمسم

    نقدح السمن عالنار جيدا وعندما نتاكد من ذلك ننزل بالسمن عالدقيق شوفو فوران السمن


    نقلب بملعقه خشبيه فى البدايه حيبقى الخليط شبه سائل كما فى الصوره لكن نستمر بالتقليب

    اذا احتاجنا النصف كوب دقيق للخليط ممكن نضيفه ولذلك قلت يترك جانبا ونبدأ فى فرك العجين بالسمن باليد او نبسه حتى يتشرب الدقيق السمن


    نضيف اللبن المذاب به الخميره والسكر


    وممكن تحناج العجينه لبن اخر يبقى نضيف لكن قليل جدا الى ان تظبط معنا العجين

    [center]نبدأ فى العجن
    وده شكل العجين بعد العجن
    نترك العجين يرتاح ونبدأ فى عمل العجميه
    مقادير العجميه
    كوب عسل نحل
    3 ملاعق ممسوحه دقيق
    سمسم
    مكسرات
    2 ملعقه زبده
    نبدا فى تسييح الزبده عالنار ونضيف الدقيق والسمسم معا ونقلب وعندما يصفر الدقيق ونبعد الحله او الطاسه من ع النار
    ونضيف كوب العسل انا استخدمت الابيض وممكن الاسمر كمان ونستمر فى التقليب ونرجع الحله للنار مره اخرى
    وعندما يبدأ فى الغليان نقلب بحركه سريعه جدا جدا
    سنجد مع الغليان والتقليب العجين تماسك مثل البشاميل نقلب ايضا الى ان يكون عجين كامل ونضيف اى مكسرات ممكن فستق مع حبه البركه او عين جمل مفروم خشن
    نشكل العجين كور صغيره لحين الاستخدام
    نقطع العجين ونضع الحشوه بداخله كما فى الصوره

    نغلق العجينه ونكورها هكذا
    نحضر قالب الكعك وفى مصر بنستخدم المنقاش
    نبطنه بالبلاستيك لسهوله رفع الكعكه منه
    نضع العجينه ونضغط جيدا حتى تظهر الصوره على العجين
    نضع الكعك فى صاج مبطن بورق الزبده هكذا
    وهنا انتهاء الكميه
    ودى اشكال تانيه من الكعك حشيتها تمر
    نترك العجين حوالى ساعه ونصف يخمر
    نخبزه على درجه 180 لمده ربع ساعه وبعدين نشغل الشوايه للتحمير
    وده شكله يارب يعجبكم
    وده طبق ام البنات ههههههههههههههههه

    عجينه الزلابيا
    او العوامات
    او لقمه القاضى
    اختلفت الاسماء والطعم واحد
    بنحبها جدا جدا فى مصر واليكم الطريقه المظبوطه
    2 كوب دقيق
    نصف كوب نشا
    ملعقه طعام خميره
    ملعقه طعام سكر
    ذره ملح
    ربع كوب زيت وليس زبده
    كوب ونصف ماء دافىء (مهم دافىء لتفادى الفرقعه
    نخلط المكونات معا وبتكون شبه سائله
    نتركها نصف ساعه مغطاه للاختمار وده شكلها بعد الاختمار
    نسخن زيت ونبدا فى قليها ولها طريقه نمسكها بقبضه اليد باليد اليسرى والمعلقه باليد اليمنى وناخذ منها على الزيت فورا
    نضعها ساخنه على شيره بارد
    او نضيف عليها سكر بودره

    المشبك الدمياطى المصرى
    طبعا اهل دمياط مشهورين بالمشبك اللى لا يعلى عليه ابدا كل المصريين تقريبا بيحبوه
    وكمان الاطفال
    نبدأ بالمقادير
    3 كوب دقيق
    1 كوب نشا
    كوب الا ربع ماء
    ملعقه مستكه (بتعطيه طعم مميز)
    ملعقه كبيره سكر
    ملعقه كبيره خميره
    نعجن المقادير
    نتركها نصف ساعه تختمر نضع الخليط الشبه سائل فى كيس التزيين او كيس بلاستيك ونقص طرفه رفيع جدا جدا
    وننزل به عالزيت الساخن بعمل دوائر عشوائيه وعندما يجمد نقلبه عالوجه الاخر
    وانا اخذت نصف الخليط ولونته بالملون الاحمر علشان نور بنتى تاكله الاطفال بيحبوا الالوان
    ونخرجه وهو ساخن ونسقيه فى شيره بارده متماسكه ونرش عليه زبده سايحه اعذرونى مش مصوره الخطوات بالتفصيل لان العجينه سائله جدا وانا اللى بصور بنفسى
    ودى صوره اقرب للطبق
    اخواتى فى الله دى كانت اخر مشاركتى فى المسابقه قدمتلكم القراقيش والصميط والعيش البلدى والشامى والمرحرح والعادى والفينو والفطيرالمشلتت و المحشى والرقاق والكسكسى والبوريك والعدليه والزلابيا والكعك والمشبك يارب مكونش نسيت حاجه
    حاولت اقدم لكم وصفات من المطبخ المصرى يارب تنال اعجابكن واستحسانكن
    انا استمتعت جدا بالمسابقه وبالروح العاليه للاخوات وشكرا ام البنات ورواد وام ليانه انكن اتحتن الفرصه لنا بتقديم كل ماهو تراثى
    شكرا لكن جميعا ولكن منى ارق تمنيات بالفوز
    وتم بحمد الله
    السلام عليكم ورحمه الله وبركاته
    آخر مرة عدل بواسطة noorelhoda : 12-06-2008 في 09:42 AM

  2. #2
    تاريخ التسجيل
    Mar 2007
    الموقع
    رام الله --فلسطين
    الردود
    25,653
    الجنس
    امرأة
    التكريم
    • (القاب)
      • الوصيفة الأولى
      • لمسة ديكورية مبدعة
      • متميزة ركن المقبلات
      • مُبدعة صيف1431:1430هـ
      • سيدة مطبخ لكِ
      • مبدعة البوفيهات
      • فنانة التقديم
    (أوسمة)
    نوووووووووووووووور حبيبتى ما فى كعكه للعريس مسكين هههههههههههه
    الله يسلم ديات يا نور معدله حبيبتى
    نحمدك ربي حمداً طيباً مباركاً فيه

  3. #3
    تاريخ التسجيل
    May 2007
    الردود
    14,492
    الجنس
    امرأة
    التكريم
    • (القاب)
      • متألقة ركن المعجنات
      • درة صيفنا إبداع 1432هـ
      • متألقة صيفنا إبداع 1431 هـ
      • زهرة العطاء في ركن المعجنات
      • مترجمة متميزه
      • أميرة البرتقال|لغوية بارعة
      • الذوق الراقي
      • ضياء القرآن
      • ضياء مناهل النور
    (أوسمة)
    ما شاء الله
    ما شاء الله
    اكثر ما رااااااااائع يا نور
    فعلا يعجز اللسان

    الف شكرررررررررررررررر






  4. #4
    تاريخ التسجيل
    Jan 2007
    الموقع
    بين احبابي
    الردود
    14,077
    الجنس
    امرأة
    التدوينات
    7
    التكريم
    • (القاب)
      • متألقة صيف 1432هـ
      • مُبدعة صيف 1430و1431هـ
      • فنانة الحلويات
      • خبيرة طبخ متميزة
    الله يسلم ايديكي يا نور وينورللك طريقك يا رب لو مانزلت المشبك كنت عملتوا تطبيق يا حبيبتي والله كمان الحك المصري امبارح انا قلتللك اني بعملوا وعندي ليه وصفه تحفه ما رضيتش انزلعها علشان انها من التراث المصري الحبيب يسبلموا يا نورررررررر

  5. #5
    soso22's صورة
    soso22 غير متواجد الفائزة الأولى في مسابقة المقبلات واالثالثة لاحلى طبق رئيسي رمضاني
    تاريخ التسجيل
    Dec 2005
    الردود
    15,242
    الجنس
    امرأة
    ما شاء الله
    ما شاء الله
    اكثر ما رااااااااائع يا نور

  6. #6
    د.سوسن's صورة
    د.سوسن غير متواجد كبار الشخصيات - نجمة إبداع
    متألقة صيفنا إبداع 1431 هـ- طبيبة أسنان "نبض وعطاء " ذوقي راقي
    تاريخ التسجيل
    Jan 2007
    الموقع
    فلسطينيه تعيش في الاردن
    الردود
    10,221
    الجنس
    امرأة
    التدوينات
    1
    ما شااااااااااااااااء الله يا ام نور
    ابداع ورا ابداع
    الله يباركلك يا قمر
    فنانه بكل معنى الكلمه حبيبتي

  7. #7
    noorelhoda's صورة
    noorelhoda غير متواجد "متميزة صيف 1429هـ و مُبدعة صيف 1430هـ "صانعة الأطايب
    تاريخ التسجيل
    Nov 2007
    الموقع
    اللهم هون على غربتى واحفظ لى زوجى وابنتى
    الردود
    21,464
    الجنس
    امرأة
    تعقيب كتبت بواسطة تغريد2007 عرض الرد
    نوووووووووووووووور حبيبتى ما فى كعكه للعريس مسكين هههههههههههه
    الله يسلم ديات يا نور معدله حبيبتى
    هههههههههههههههههههههههه فعلا مسكين والله
    بس مفيش مشاكل احنا نعمل للرجاله الاكلات والمعجنات والمحمر والمشمر
    شكرا لكلامك الجميل حبيبتى

  8. #8
    noorelhoda's صورة
    noorelhoda غير متواجد "متميزة صيف 1429هـ و مُبدعة صيف 1430هـ "صانعة الأطايب
    تاريخ التسجيل
    Nov 2007
    الموقع
    اللهم هون على غربتى واحفظ لى زوجى وابنتى
    الردود
    21,464
    الجنس
    امرأة
    تعقيب كتبت بواسطة moon and stars عرض الرد
    ما شاء الله
    ما شاء الله
    اكثر ما رااااااااائع يا نور
    فعلا يعجز اللسان

    الف شكرررررررررررررررر
    تسلمى حبيبتى مووووووووووووون وانتى كمان وصفاتك روعه
    ماشاء الله عليكى

  9. #9
    تاريخ التسجيل
    Nov 2007
    الردود
    4,380
    الجنس
    امرأة
    رررررررررررائع يا قمر - يسلم ايديكى وعافيتك يارب
    الكل يجنن ماشاء الله
    بس انا هستكفى آكل العجمة حاف كدة والمشبك من بتاع نور اللى لونة احمر - كفاية كدة عليا من نفسى
    ربنا يديكى الصحة ويبارك لك يارب حبيبتى

  10. #10
    تاريخ التسجيل
    Apr 2007
    الردود
    5,734
    الجنس
    امرأة
    حلويات رائعة وشهية
    من ايديك الحلوة
    الله يعطيك الصحة والعافية ياقمر

مواضيع مشابهه

  1. كنافه .. قطايف .. بسبوسه.. جلاش .. لقمه القاضى.. ام على .. مشاركتى للحبيبه السوسنه
    بواسطة أم شادى في الحلويات والكب كيك والكيك وحلويات العيد
    الردود: 40
    اخر موضوع: 08-12-2010, 03:48 AM
  2. **ملف متميز**حصريا من مطبخ نور الهدى التوست الرخامى بالشيكولاته بالخطوات المصوره
    بواسطة noorelhoda في المعجنات والسندويشات والفطائر والخبز
    الردود: 194
    اخر موضوع: 23-11-2009, 08:25 PM
  3. ** موضوع متميز ** الصميط المصرى والفينو حصريا بالخطوات التفصيليه من مطبخ نور الهدى
    بواسطة noorelhoda في المعجنات والسندويشات والفطائر والخبز
    الردود: 93
    اخر موضوع: 14-08-2009, 01:00 PM
  4. لقمه القاضي
    بواسطة شووق2000 في الحلويات والكب كيك والكيك وحلويات العيد
    الردود: 1
    اخر موضوع: 27-10-2008, 08:56 AM
  5. لقمه القاضى (بالصور)
    بواسطة سلمى المصريه في الحلويات والكب كيك والكيك وحلويات العيد
    الردود: 67
    اخر موضوع: 17-10-2007, 05:42 AM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ