دالحين ماجوبتيني اشتريتي كتاب النخبة ولا لا ؟؟؟؟؟؟؟



الحلى بالقصدير يهبل

لا والله لسة بكرة او بعده ان شاء الله رح اشتريه

طيب بكرة ايش اطبخ على الغدا؟؟؟ما عندي لحمة مفرومة ، طبعا فاتك امس وانا اقضي والله ماني عارفة ايش اجيب؟؟؟بس اليوم رحنا نجيب لحمة من مكان معين طلع الجهاز حق اللحمة خربان اهيء اهيء ، بس عندي دجاج خخخخخخخخخخخخخ وماني عارفة ايش اعمل انقذينيييييييييييييييييييييييييي

إن شاء الله تتعلمي


دجاجه كامله ولا مفروم اللي عندك

علشان أقدر اساعدك إن شاء الله

شوفو الرابط
http://www.lakii.com/vb/showthread.php?t=452832

الاخت حنان البحرين ماقصرت الله يعطيها العافية
http://www.lakii.com/vb/forumdisplay.php?f=76

ليش في دجاجة مفرومة؟
انا عندي دجاج كامل عادي وعندي صدور من غير عظم ، شكلك نمتي ها خخخخخخخخخخ

أولاً منزل مبارك ان شاء الله

انا كنت زيك زمان ما اعرف اطبخ حتى رز ابيض

بس والله تعلمت من منتدى لك اشياء كثيرة

فأنا لي عندك نصيحة

أول شي اشتريلك كتاب طبخ يكون سهل والخطوات فيه واضحة وخليه حق الزنقات ووقت ماعندك وقت تدخلي النت وتدوري طبخات

والسوق ماشاء الله مليان كتب اشكال والوان ( انا قديمة صراحة خبري بكتاب ابلة رابحة خخخ)

ثاني شي وهادي الطريقة ناسبت زوجي كتيير لانه ما صرت اسأله كل يوم ايش اطبخلك

ادخلي المنتدى مع الكتاب وشوفي الطبخات اللي موجودة وشوفي ايش عجبك منهم واكتبيه في ورقة ومعاه ايش تحتاجيله من مقاضي ، واكتبي حق الاسبوع كله يعني 7 طبخات
يصير تروحي تقضي وانتي عارفة ايش تبغي تشتري

وكمان بالنسبة للمقبلات والحلويات نفس الطريقة

وابدأي جربي في المطبخ مرات حتصيب ومرات حتخيب بس في النهاية ومع الوقت حتتعلمي ان شاء الله .

ان شاء الله تكون نصيحتي مفيدة لكي

وربي يوفقك يارب في الدنيا والآخرة

هههههههههههه ياسوسو
مو تقولي نفسك فبيت وشغل
يالله خدي خخخخخخخ
شوفي توقيعي فيه الاكلات اللي نزلتها
انشالله تفيدك..

ام سوسو .. اول شي منزل مبارك ربي يجعل كل ايامكم فيه سعاده وهنا ..

ثاني شي .. لا تخافين ترى انا كنت مييييييييييييييييييح بالطبخ ميح ما افهم ولا شي لدرجة اذا عطوني الوصفه وقالولي ملح اقول كم المقدار (ومشترية الملاعق القياس خخخخخخخخخخخخخخخخخ عاد هذي وسوسه) ..

اذا كانوا راح يجونك على غدا بعطيك منيو سهل وخفيف ان شاء الله ..

اول شي القهوة العربية .. انا استخدم قهوة بايوني (كل من شرب قهوتي سألني عنها) تحصلينها بالسيفواي أو جيان .. عند قسم القهوات الامريكية تجي بعلبه زي حليب الاطفال الحجم الصغير وسعرها ب11 ريال ولون العلبة ذهبي ..
الطريقة .. لتر ونص موية مغليه تحطينها عالنار مع 3 ملاعق قهوة مسطحه لمدة 20 دقيقة .. بعدين حطي عليها ملعقتين مسطحات هيل مطحون وخليها تستمر بالغلي لمدة 10 دقايق (يعني القهوة تنطبخ لمدة نص ساعه) اذ خلصت ال10 دقايق طفي النار وخلي القهوة تركد من 4-5 دقايق (عشان القهوة تترسب بالقاع ويبقى بس الماء) ..
تكونين محضرة الدله .. وحاطه فيها ملعقه صغيره كوفي ميت (اذا ما عندك حطي حليب بودره) + 3 اعواد مسمار (اذا ماتحبون طعمه مولازم) + زعفران + بهارات القهوة حايل (تنباع بعلبه صغيره عند قسم المطاحن بالسوبر ماركت بس مو ضرورية بس انا زوجي يحبها) .. وصبي القهوة في الترمس (لازم تكونين حاطه مشخال) .. وبس

حلى مع القهوة .. تمر (احنا اذا كنا راح نتغدى بس ناكل تمر بس اذا مغربية نسوي حلى)
بف بيستري بالكيري .. اسهل منه مافي .. جيبي مربعات بف بيستري (الكرامة عندهم قليلة دسم) وخليها برى الفريزر شوي عشان تقدرين تفردينها .. كل مربع افرديه وقطعيه لاربع مربعات .. وجيبي حبة كيري وقطعيها اربع مربعات (كل عجينه بف بيستري = حبة كيري) وحطي الجبنه بالنص وسكريها على شكل مثلث وبالشوكة اضغطي عالطرفين ودخليها الفرن لمدة تقريبا ثلث ساعه (اخر دقيقتين افتحي الشوايه عشان تتشقر من فوق) .. بعدين صبي عليه شيرة (انا مرات ما يكون عندي شيره فاصب حليب نستله المركز وفوقه ارش قرفه يطلع طعمها كانه سينمون) او صبي كاكاو هيرشيز ..

اذا عاجبك حلى القصدير انا طريقتي مره سهله .. عالنار ذوبي اصبع زبده .. بعدين حطي كاس سكر الى ان يسيح .. بعدين حطي 4 بيضات وشويه فانيليا .. بعدين 3 ملاعق كاكاو هنتز (البني الغامق "مر") .. الى ان يطلع منه فقاعات (يعني البيض استوى) طبعا تكونين تحركين الخليط طول الوقت عشان البيض ما يتكتل .. خليه شوي بعدين اضيفي له بسكوت اولكر مكسر بشكل عشوائي .. وحطيه بالقصدير ولفيه على شكل اسطوانة .

حلى قهوة .. بسكوت اولكر مطحون + حليب سائل .. سويه زي العجينة (ممكن تستبدلين بسكوت اولكر ببسكوت اوريو) ..
عندك خيارين .. 1) تسوينه على شكل اقراص صغيره وشوي عريضة وتحطين بالنص حبة كاكاو مالتيزرس ..
2) تفردين العجينه على شكل مستطيل وبعدين جيي اصابع تويكس وحطيهم بالطول ولفي العجينه لفة وحده .. بعدين قصيه شرائح (هذا ما اتوقع يضبط مع اوريو احلى ببسكوت الشاي) ..
طريقة التقديم .. يا اما تحطينهم باوراق الكب الكيك الصغيره .. او صفيهم بصحن او حطيهم بباول ..

هذي حلويات قهوة سهله وسريعه ومقاديرها تقدرين تطلبينها من البقاله لو مو موجوده بالبيت ..

الغدا .. كنتي تسالين عن شي يتصلح بالدجاج ..
طبعا عارفه كيف يتغسل الدجاج ويقطع ..
بعلمك على مقلوبة زهرة او بطاط ..
اسلقي الدجاج لمدة ثلث - نص ساعه .. بعدين شوحيها عالنار عالجهتين (طبعا تكونين حاطه بهاراتك عالدجاجة)
تقصين البطاط شرايح رفيعه (مو مره بس ما تكون عريضه) .. او تقطعين الزهرة لقطع (وبعدين غسليها زين لان ممكن يكون فيها دود) .. شوحيها عالنار بشوي زيت عالوجهين ..
الحين عندك بطاط او زهرة مشوحه .. دجاج مسلوق بعدين مشوح .. ورز تكونين ناقعته لمدة نص ساعه (لمى يكون الدجاج يسلق نقعي الرز) ..
جيبي قدر حطي فيه شوية زين .. بعدين صفي البطاط او الزهرة .. بعدين حطي قطع الدجاج .. بعدين حطي الرز .. بعدين صبي موية الدجاج عالرز (اذا ما كفى زيدي مويه عاديه) ..
وخليه عالنار لين ينشف الرز ..
طبعا لا تنسين البهارات والملح ..

طبق جانبي وشو تبين معجنات .. سمبوسة .. سبرنق رول .. كب كيك بف بيستري بحشوة الخضار او الدجاج وعليه جبن شدر او مازارولا .. شوربة ..
شوفي وش اسهل شي لك وارسليلي مسج واعطيك الوصفه ..

بعدين الحلى بعد الاكل .. عندي لك كيكه ولا اسهل منها وتجنن ..
كيكة اوريو ..
مقاديرها .. 3 بيضات + فانيليا ..
كاس سكر ..
نص كاس زيت ..
كاس حليب سائل ..
اخفقيهم .. بعدين حطي عليهم ..
2 الاربع كاس طحين منخول ..
1 ملعقة اكل بيكنج بودر ..
ذرة ملح ..

صبي شوي من المقادير بقالب الكيك ..
بعدين جيبي علبه اوريو (اللي فيها اربع اكياس صغيره) .. وكسري كيسين فوق الخليط ..
بعدين صبي باقي خليط الكيك .. بعدين على وجه الكيكة حطي الكيسين حقون الاوريو ويكونون مكسرين ..
دخليها الفرق لمدة نص ساعه .. بعد ما تطلعينها صبي عليها كاكاو هيرشيز السائل .. واذا بردت اقلبيها بالصحن وزيدي الهيرشيز ..

في عندي بعد وصفات كيكات سهله بس جاني النوم .. بكرة اكمل لك ان شاء الله ..

انا حأعطيكي أكلة مرة مرة سهلة
قطعي بصلة كبيرة بالطول بس {جوانح}
وقلبيها عالنار لحد ماتصفر
وجيبي لحم مفروم وحطي له ملح وفلفل وأفركيه بيدك واعمليه كور وأقليها لوحدها وقطعي حبتين أو 3طماطم وحطيها مع البصل وقلبيهم مع مكعبين ماجي وملعقتين صلصة وشوي موية وحطي لها كور اللحم اللي قليتيه و غطي القدر وخليه على نار هادئة بس 10دقايق وممكن أقل
وبهالوقت اقلي بطاطس بس قطعيها كبيرة شوي زي لما تقطعي التفاحة 4 أقسام و فوقت الأكل بس خلطيها مع الايدام فالقدر وصبيها فورا وجنبها رز ابيض وبالعافية <<<< هادي طبختي وقت الزنقات


أما عاد الحلى
فعندي حلى مستحيل يكون في اسرع منه

اباكيت بسكوت سادة
علبتين قشطة _ علبة حليب نستلة المركز
كورن فليكس سادة ماركة كونتري كورن فليكس
صوص شوكولاته هيرشي
‏

وطريقته سهلة جدا جدا
كسري البسكوت وحطيه بطريقة عشوائية بصينية بايريكس او اللي حتقدمي فيها
اخلطي القشطة والنستلة مع بعض بصحن برا وصبيها فوق البسكوت وخليها فالثلاجة لحد وقت التقديم

ووقت التقديم حطي فوقهم طبقة الكورن فليس بدون تكسير وصوص الشوكولاته اكتبي اسمك فيه او اسم سارة عالكورن فليكس

حيطلع روعة وطعمه فظيع

حصورلك هي وتشوفي الصور كيف