لطوفة الروابط ما تفتح .....

وجربت ثنتين من حشواتج وعجبوا الكل ويعطيج الف عافية ...

وانا عندي لكم نوعين من الحلو يستوي بالبف ياستري ...

الأول تجهزين حشوة عبارة عن تفاح مقطع وسكر وقرفة وشوية ماي تحطينه على النار شوية الى ان يذبل التفاح وتحشين العجينه فيه وبعد ما تدخلينها الفرن ترشين السكر والقرفة فوقها ...

والثانية تقطعين العجينة الى قطع صغيرة وتحطينها في قوالب الكيك الصغيرة وتحطين فوقها قطعة جبن كيري وتدخلينها الفرن وتزينينها بالمكسرات او الكنافة الباكستانية وترشين فوقها الشيرة وتطلع لذيييذة ...

انشالله يعجبونكم

يعطيك العافية يابدورة على المشاركة و الظاهر ماعرفت أضع الروابط بس ولا يهمك راح أعيد كتابتهم في هذا الموضوع

*******************************
مشكوووووووووووورة وااايد يا دانة على الوصفات و أوعدك أني راح أجرب وصفاتك وعليك بألف عافية أنتي وأهلك واللي عجبهم بعد عمري ومثل ماقلت راح أعيد كتابتهم علشان خاطركم تمونون

( الميل فوي ) بس بطريقة ثانية مختلفة أسهل ولها طعم يشبه الميل فوي تفضلوا هذي الطريقة
المقادير:
1 باكيت عجينة البف باستري الجاهزة
1 علبة قيمر
2 باكيت كريم كراميل
1 كيس دريم ويب
ربع كوب حليب
الطريقة:
يقطع البف باستري كل واحدة إلى أربع مثلثات وتخبز بالفرن بعد دهن الوجه بالبيض ثم تخرج بعد نضجها وتترك لتبرد ثم توضع باقي المقادير بخلاط الكيك إلى أن تثقل قليلاَ ثم تفتح عجينة البف باستري من الجانب وتحشى بالخلطة وتصف في صينية تقديم وترش بالسكر الناعم

و الثانية:
المقادير:
1 باكيت بف باستري ( تخبز وتفتت وتترك جانباَ)
(الخلطة): 3 كيس دريم ويب + 2 كيس كريم كراميل + 5 ملاعق كبيرة مربى مشمش + 1 قشطة + ثلاث أرباع كوب حليب ساخن مذوب فيه 1 كيس جلي مشمش ويترك ليبرد بحرارة الغرفة قبل خلطه مع بقية المقادير.
الطريقة: يفرش إناء بايركس بنصف مقدار البف باستري ، ثم تخلط جميع مقادير الخلطة معاَ وتصب على البف باستري ويوضع عليها باقي البف باستري وترش بالسكر الناعم وتوضع بالثلاجة لحين التقديم

مشكوررررررررررررره00

العفو أختي حمامة الروض أنتي جربيهم و عطيني رايك

مشكــــــــــــــورة أخت لطايف صراحة روعة تسلم ايدك

الله يسلمك حبيبتي يالسنا جربي وقولي لي رايك
تحياتي

يعطيـــــج ألف عافية على هـــذي الحشوات الذيذة ........

والحلوة مثلج ان شاء الله بجرب وحدة منهم باجر........

الله يعافيك حبيبتي أم علياء تسلمين على الكلام الحلو مثلك يالغالية وجربي أي وصفة عزيزتي وعطيني خبر ok