** وصفة متميزة ** ساندوتش الدجاج بالمايونيز**خفيف فى الحر**
ساعات كتير بزهق من الحروالوقوف كتير فى المطبخ واقول اعمل حاجة خفيفة وباردة فى حر الصيف بعيد عن الدهون واللذى منه
ففكرت اعمل ساندوتشات خفيفة وصحية وباردةفقلت اعمل حاجة شكلها حلو وتكون وجبة غداء وممكن برضة عشاء لذيذ جدا يلة بينا نشوف
المكونات
صدور دجاج مسلوق ومقطعة قطع صغيرة او انا نتفتها باليد
خس مقطع ناعم جدا
ملح + فلفل اسود + بودرة ثوم+ عصير ليمون + مايونيز ( من صنع ايدى)
خبز فينو او فرنسى او قيزر او لبنانى يكون هايل جدا كمان
الطريقة
تسلق الدجاجة او صدور الدجاج او الاوراك حسب ما يكون عندك او تحبى وتنتف باليد او تقطع ناعم جدا وتخلط المكونات السابقة كلها معا مثل الصورة
على فكرة المايونيز من صنعى فى المنزل وانا منزلاه فى قسم المقبلات وسهل وبسيط جدا جدا
تحشى السندوتشات بالخلطة اللذيذة السابقة وطعمها خفيف وبارد جدا جدا وتقدم مع حلقات الخضروات مثل الصور تفضلوا
وكمان طبق عشان الناس اللى عايزة تشبع
بالف هنا وشفا جربوة جميل ولذيييذ جدا
رد مع الاستدلال
كتبت بواسطة الزينب
الروابط المفضلة