اكلة كتير زاكية بنصحكم تجربوها
مقدار العجينة : اي كمية طحين انتي بتحبيها بتعجينيها مع ماء فقط ورشة ملح خفيفة
بعدها بتتركي العجينة ترتاح شوي وبعدها بتمدي العجينة بعد ما تكوني قصمتيها الى اجزاء كبيرة على مكان واسع وبتجيبي كاسة ماء وبتصيري تعملي دوائر طبعا حطي طحين تحت العجينة يوم ما تفرديها على شان تفرد معك هلا بتاخذي الدوائر اللي اعملتيها وبتحطي داخلها الحشوة راح اعطيكي شو هاي الحشوة وبتسكري الدوائر على شكل قطايف وبتوصلي الاطراف مع بعضها البعض وبتسخني الزيت وبتحطي قطع العجين المحشية والجاهزة في الزيت وتقومي بقليها حتى يصبح اللون ذهبي
الحشوة :لحم عجل مفروم حسب مقدار العجينة اللي انتي اعملتيها توضع عليها البهارات الخاصة باللحم مع القليل من الفلفل الاسود بالاضافة الى الملح يعني البهارات حسب الرغبة بس ما تكون حاره
الطريقة النهائية : بتجيبي لبن (بلدي ) او ( سوري ) اسمه لبن جميد (هاد النوع من البن بكون مالح على شكل اقراص) بتخلطيه على الخلاط وبتحطي في وعاء على النار حتى يبدا بالغليان الكمية غير محدده حسب كمية العجين الموجودة تضعي اللبن في اثناء ذلك قومي بنقع كمية قليلة من الارز في وعاء صغير اضيفها بعد ان تنقع علىاللبن بعد ان يفور انتظري حتى يستوي الارز داخل اللبن وهو يغلي على الغاز على نار متوسطة الحجم بعدها تقومي بأضافة قطع العجين بعد قليها ودعيه يفور اللبن عليه لمدة ثلاث دقائق
وصحتين وعافية ملاحظة في ناس بحب يحط مع اللبن شوية سمن بلدي كنكهه مع شوية بقدونس مفروم ناعم على الوجه
ان شاء الله تعجبكم الاكلة

شكلها راائع
تسلمي

احنا بنسميها شيشبرك
و هي كتير طيبه
شكرا عالوصفه

مشكورة غاليتي على الوصفة

يعطيكي العافية

اول مرة اسمع هالاكلة
كانها سمبوسك بلبن
شكلها شهية تسلم الايادي و يا هلا بيك و ننتظر باقي وصفاتك الجميلة

تسلم ايدك اختي

طبعا هاي ششبرك طعمها روووووووووعه
انا عاملتها من مده وبدي نزلها بالمنتدى بس ماصار وقت هذه صورتها

تشكرى على الوصفة الجميلة

يسلمو اديكي على الششبرك ...

الله يعافيك