** موضوع متميز ** تفضلوا صبايا على أطيب شاورما باللحم من مطبخ إمي
السلام عليكم ورحمة الله وبركاته
أخواتي العزيزات اليوم سأقدم لكم شاورما كتير طيبة
وهي من وصفات إمي الله يخليها يارب
بتمنى إنها تعجبكم وتطبقوها إن شاء الله
أولا نجهز اللحم إنو نقطعو شرائح صغيرة ونغسلو
والآن في الخلاط (لا تستغربو المقادير)
(حبة بصلة متوسطة+ 2 درس ثوم+ عصير ليمونة + برش نصف ليمونة +
كأس لبن زبادي+ 2 م ك زيت +2 م ك طحينة+ 2 م ك كاتشب + 1 م ك خل
+ شوية فلفل أحمر مطحون)
يخلط جيددددددددددددددا
ونضع البهارات (ملح + فلفل أسود + بهارات شاورما)
ويوضع فوق اللحمه
ماما حكت لي إذا معك وقت خليه في الخلطة أطيب أما إذا ما معك وقت ممكن
إنك تشتغلي فيها على طول
أنا تركتها في الخلطة حوال نصف ساعة
والآن نضعها على النار ونضع حوالي 3 حبات هيل صحيح وعود قرفة وتترك
حتى تتشررررررررررررررررررب كل الماء اللي عليها
وتسير ناشفة
وفي هذه الأثناء نجهز البصل ونرش عليه ملح وسماق
وعند ما تتشرب اللحمة الخلطة وتصبح ناشفة
نضع شوية زبدة وشوية زيت ونضع البصل ونقلبة مع اللحمة
واحرصي إنو ما يذبل البصل يبقى فيه نوع من القرمشة (كرسبي)
وفي هذه الأثناء نجهز فحمة على النار
وورقة قصدير على شكل صحن
شوفو بشو استعنت
وبعدين بتشيليها بسير عندك شكل صحن
وتوضع فوق اللحمة ونضع في قلبها شوية زبدة
ثم نضع الفحمة التي أصبحت جمر
ونسكر عليها وتلف وتترك حوالي 10 دقائق حتى تأخذ في الطعم
وفي هذه الأثناء نجهز الطحينة اللي رح نفردها على الخبز
وهي طحينة وعصير ليمونة وشوية ملح و2 م ك لبن زبادي وشوية ماء
وتخلط جيداً
ونجهز باقي المواد اللي رح نحشي فيها الخبز
أنا قليت بطاطا وفرمت خس وقطعت طماطم وطبعا الخبز مش أنا اللي عملاه
جاهز
ونبدأ نجهز للف الشاورما ورح أترك الصور تتكلم عني
وتقدم بالهنا
وهاي أقرب
يمكن تحسو إنها صعبة لكن صدقوني الشغل معها
كان ممتع أبداً ما في صعوبة
وعلى فكرة ممكن تستغنو عن وضح الفحم متل ما بتحبو
بتمنى إنها تعجبكم
وأي استفسار أنا جاهزة
أم أحمد 2007
رد مع الاستدلال
[
كتبت بواسطة san79
الروابط المفضلة