السلام عليكم
ارجوا من البنات للي تعرف عمل العجينة الرقيقة للكاهي العراقي ان تعلمنا اياها خصوصا وقد ارشدوني لعملها بعجينة الباف بستري لكن ليس مثل العجينة التي في بالي عندما تؤكل وعليها القيمر وبالشيرة الحلوة
ارجوا المساعدة منكن يا صبايا وشكرا

عجينة الكاهي
هي تشبه تقريبا عجينة الفطير المصري لكن الفرق
احنة بالعراق مانحشيها وانما نضع عليها الشيرة او القطر
المقادير
كيلو طحين رقم واحد وبالعراقي طحين صفر
ملح
ماء حسب احتياج العجين دافي مائل للبارد

طريقة العمل

تعجن العجينة بالماء والملح بحيث تكون قوية نوعا ما
وهذه ملاحظة مهمة لنجاح الكاهي لازم يكون العجين قوي
نتركها ترتاح لمدة ربع ساعة
ثم نعمل منها كور عجين متوسطة الحجم
ثم نقوم بوضع زيت على المكان اللي تفتحين بيه العجين
ومن ثم تضعين على العجينة الزيت وتقومين بفتحها بالشوبك
ومن ثم تقومين بمسكها بيديك ويكون اصبع الابهام للاسفل والاصابع البقية للاعلى
وتقومين بضربها على المكان المخصص للفتح بحيث كلما رفعتيها وضربتيها تتمدد وتكبر( مثل مايعمل الفطاطيري في مصر)
ومن بعدها نقوم بطي الاطراف الى الداخل اي نقوم بجمع الاطراف في المنتصف حتى نحصل على شكل مربع او دائري
ومن ثم نضعها في صينية مدهونة
ومن بعدها نقوم بوضعها على صينية فيها ماء به ثلج
(لكي يساعد الزيت على فتح طبقات الكاهي والحصول على القرمشة وهذه خطوة مهمة لانجاح الكاهي )لمدة 10 دقائق
يجب ان يكون الفرن حامي قبل مدة وعلى درجة حرارة 250 مئوية
نضعها حتى تشقر وتفتح طبقات العجين
ومن ثم نقوم بتقطيعها حسب الرغبة مع الضافة الشيرة او العسل لها
وتؤكل مع القيمر العراقي
واي سؤال اني حاضرة

يسلمووووووووووو

تسلم ايدك يا ام مريم
والله انا سمعت هذي الملاحظات بالضبط قالها اليوم الشيف مفيد
انا اعمله بنفس الطريقه لكن هذي فقره الصينيه والثلج ما مجربتها

شكرا لك يا ام مريم العزيزة وان شاء الله اجربها ولو اني اعرف هاي العجينة ومرة طلعها الشيف اسامة السيد وجاب ويا فطايري او ما اعرف شيسموه المهم بارك الله فيك بس هذه العجينة اخمرها شوية اي اخليها ترتاح 3 ساعات لو اقل وشكرا مرة اخرى

كتبت بواسطة saba.A

شكرا لك يا ام مريم العزيزة وان شاء الله اجربها ولو اني اعرف هاي العجينة ومرة طلعها الشيف اسامة السيد وجاب ويا فطايري او ما اعرف شيسموه المهم بارك الله فيك بس هذه العجينة اخمرها شوية اي اخليها ترتاح 3 ساعات لو اقل وشكرا مرة اخرى

شكرا لك لكن هذه العجينة متحتاج تختمر لان مابيهة خمرة بس ترتاح العجينة لمدة ربع ساعة
وهذه طريقة الكاهي الاصليه

ومن ثم نضعها في صينية مدهونة
ومن بعدها نقوم بوضعها على صينية فيها ماء به ثلج
(لكي يساعد الزيت على فتح طبقات الكاهي والحصول على القرمشة وهذه خطوة مهمة لانجاح الكاهي )لمدة 10 دقائق
عزيزتي ام مريم ما افتهمت هذه الفقرة يعني شلون قصدج اخليها مثل حمام مائي وبالفرن لو شلون ولو راح اتعبك وياية وشكرا الك اختك في الله
وسؤال اخر او اود ان اخبرك بشئ هو لماذا لا نشارك انا وانت مثلا في انزال هذا الموضوع مع مشاركات الخوات في عمل شئ من بلادهم اني اكدر اكتب بس المشكلة ما اعرف انزل صور على الحاسوب المهم قصدي نشارك ونشوفهم طريقة عمل الكاهي العراقي وشكرا الك

كتبت بواسطة saba.A

ومن ثم نضعها في صينية مدهونة
ومن بعدها نقوم بوضعها على صينية فيها ماء به ثلج
(لكي يساعد الزيت على فتح طبقات الكاهي والحصول على القرمشة وهذه خطوة مهمة لانجاح الكاهي )لمدة 10 دقائق
عزيزتي ام مريم ما افتهمت هذه الفقرة يعني شلون قصدج اخليها مثل حمام مائي وبالفرن لو شلون ولو راح اتعبك وياية وشكرا الك اختك في الله
وسؤال اخر او اود ان اخبرك بشئ هو لماذا لا نشارك انا وانت مثلا في انزال هذا الموضوع مع مشاركات الخوات في عمل شئ من بلادهم اني اكدر اكتب بس المشكلة ما اعرف انزل صور على الحاسوب المهم قصدي نشارك ونشوفهم طريقة عمل الكاهي العراقي وشكرا الك

اهلا وسهلا بيك اخت عزيزة
حبيبتي تخليها في ماء مثلج قبل لدخليها الفرن يعني من تدخل الفرن وحدها من دون الماء وماكو اي تعب واني حاضرة باي سؤال
والله شكو بيها لو تشاركين بيها
واني هم امنيتي اشارك بس مشكلتي بنتي صغيرة ودائما شاغلتني والكاهي يرادلة شغل وقت
واذا تردين اني اعلمج شلون تنزلين الصور

تسلمى على الوصفة الجميلة

يا حبيبتي وين اكو مثل الكاهي العراقي
والله شهيينا
واقرب شي له هو الفطير المشلتت المصري
انا اشتري جاهز من المخبز وهو حار وناكله ويه القشطة
لان حتى قيمرنا ماكو مثله
ان شاء الله ام مريم الغالية تكون فادتج وفادتنا
بشرينا اذا سويتي
بالتوفيق يا غالية