**موضوع متميز**كلوب شيش طاووق ...سهل وسريع ولذييييذ...وبالصور خطوه خطوه
بسم الله الرحمن الرحيم
السلام عليكم يالغاليات شو أخباركم يالغاليات إن شاء الله تمام
أنا عندي لكم اليوم أكله إنما أيه هتكلي صوابعك وراها
(((...كلوب شيش طاووق على طريقة هنوده...)))
يلا نبدأ بسم الله
المقادير
صدر دجاج مقطع إلى مكعبات متوسطه
ربع ملعقة شاي من كل من الملح والفلفل الاسود ورشة كركم ونص مكعب ماجي وربع كيوي مهروس ونص علبة روب
سليس خبز 8 شرائح تقريبا
شرائح من الفلفل البارد والطماطم والبصل الابيض والخس
الطريقه
أول خطوه أخلطي كل من الروب والبهارات ومكعب الماجي والكيوي المهروس مستغربه من الكيوي شو دخله في السالفه الكيوي يالغاليات يلين ويطري الدجاج بس لا تكثري منه وبعدين يالغاليات أضيفي الدجاج للخلطه واخلطيه عدل وأتركيه مغطى في الثلاجه لمدة نص ساعه
وثاني خطوه حطيهم في أعواد خشبيه وأقليهم في 3 ملاعق زيت ذره على نار متوسطه بس لا تخلينه وايد عشان ما يستوي جاف ويابس
بعد ما يستوي طلعيه من الاعواد الخشبيه وقطعيه شرائح مثل ما هو باين في الصوره
بعدين إذا تبين أدهني شرايح الخبز بالمايونيز أو اي صلصه ثانيه تحبينها
وحطي عليه شوية خضروات
والشيش طاووق
وبعدين حطي عليه الشريحه الثانيه وأضغطي عليه شوي وقطعيه مثل ما تبين
وهاي هي النتيجه النهائيه إن شاء الله تعجبكم
وصحتين وهناااااااا
رد مع الاستدلال
الروابط المفضلة