صينية جلاش على السريع من مطبخ امى

**رهاف محمود** · 23-04-2008, 10:18 AM

السلام عليكم ورحمة الله وبركاته
هذه وصفه من وصفات امى حفظها الله لما اكون مستعجله
القادير
لفة جلاش الزهار
ربع كيلو جبنه رومى
ربع كيلو جبنه شيدر
ثمن بسطرمه
ثمن لانشن
3اصابع سوسيس
اربع حبات بطاطس متوسطه مقطعه شرائح بالعرض ومحمره حتى تستوى
كوب لبن
بيضه
ربع كوب زبده او سمنه او زيت اذرة
الطريقه
تحضرى الصينيه المربعه بمقاس الجلاشه
ثم تدهنى ارضيتها بالزيت او السمن حسب اختيارك مش هتفرق كتير انا بستعمل زيت الذرة بيكون جميل
وبعدين تحطى طبقتين من الجلاش وفوقهم تحطى حلقات البطاطس
وبعدين طبقة جلاش وتدهنى وعليها طبقة سوسيس
وبعدها طبقة جلاش وتدهنى وعليها طبقة بسطرمه
ثم طبقة جلاش وعليها طبقة جبنه رومى معاها فلفل اخضر مقطع وده حسب الرغبه
ثم طبقه وعليها زيتون اسود شرائح او اى نوع مخلل تفضليه
ثم طبقة جلاش وعليها بطاطس
ثم طبقة جلاش
وبعدين تضربى البيضه فى كوب اللبن وتقطعى الجلاش وهوه فى الصينيه قبل ما تدخليه الفرن بقطع حسب رغبتك وتسكبى كوب اللبن المخفوق فيه البيضه عليه وتدخليها الفرن على درجة حراره عاليه وفى الرف اللى فوق المتوسط حتى يحمر وشها سريعا لانها لا تحتاج وقت طويل
ثم تخرجيها وبالهنا والشفاء
والله بارده او سخنه بيكون طعمها حلو اوى

**رهاف محمود** · 23-04-2008, 11:06 AM

هناك خطا فى المرفقات انا نزلتها مره تانيه لكن مش بتنفع لان الملف كبير مستنيه ردكم على الوصفه وارجو اعلامى كيف احط الصور من جهازى لانى فشلت وتعبت

وان شاء الله تعجبكم وكمان ممكن تغيرى فى المكونات زى ما تحبى يعنى بدل البسطرمة لحمه مفرومه متبله كويس ومتعصجه او تزودى انواع الجبنه وشيلى فيها وحطى المهم ما تستغنيش عن البطاطس ابدا