بسم الله الرحمن الرحيم
خواتي وغالياتي في هذا الركن اللي متل العسل والله وكله نشااط وحيويه
الصراحه اقف عاجزه اما م ابداعاتكم اللي عن جد رووعه
وشي بفتح النفس كتير وبنم عن زوق عالي .....
حبيت اليوم اشترك معاكم صحيح اتاخرت شوي بس عشان بنتي الصغيره بتسنن
متغلبه معها والله شوي .....
انا اليوم راح اورجيكم شي على قدي وان شاء الله تعجبكم اطباقي
اول شي
بيتزا فواكه البحر
هاي البيتزا جوزي مجنني فيها قد ما بحبها واخيرا قررت اني احاول اسويها بالبيت بدل من المطعم الايطالي وبعد الاسئله والاستفتسارات طلعت بنتيجه كتتتتتير رووعه
وحتى زوجي ما صدق انه هاي شغل البيت بدون مبالغه طلعت يمممممممممممم
راح احكيلكم الطريقه
اول شي بدنا كيس فواكه بحر مجمده
بنحطه في طنجره صغيره بدون اي شي على النار حتى تنزل المي اللي عليه وبكبها وبغي الفواكه منيح وبرجع بحط بالطنجره 3ملاعق زبده كبار
وبقلب الفواكه فيها وبضيف تومه بودره طبعا انا كترت لانها اطيب
وملح وفلفل ورشة شطه حااااااااااره
وبضل اقلب فيها على النار لما احس انها استوت
العجينه اكيد استعملت عجينة العشر دقايق
وفردت العجينه وحطيت صوص بندوره على وجه العجينه
ورفردت الحشوه على الجه
وحطيت الجبنه المبشوره
وخبزتها بطنجرة البيتزا خاصتي
طبعا بتقدري تسويها بالفرن
وهي النتيجه
وهاي صوره اقرب
وهسه صار بدي اورجيكم شوية معجنات
بعجينة العشر دقايق
سفيحه بلحم + كروسونات جبنه فيتا مع نعنع + زعتر
تفضلوا
وهي كمان صوره
الروابط المفضلة