*وصفة متميزة*عجينتي المعتمدة في المعجنات مع تشكيلة حلوة لعيونكم
السلام عليكم ورحمة الله وبركاته
رح قدملكم اليوم عجينتي وهي العجينة المعتمدة عندي في صنع المعجنات لذيذة كتير وصحية وخاصة للاولاد وطرية كتير للي مالو اسنان هههههههههه
المقادير اولا
5 كاسات دقيق منخول مع ملعقة بكمبودر
ملعقة خميرة
ملح
فنجان قهوة سكر
كوب ماء دافئ او حليب دافئ للعجن
بيضة
كأس شاي زيت ومثله لبن (زبادي)
ملعقة محلب مطحون ويمكن استغناء عنها لكن بعطي طعم طيب كتير وريحة بتدوخ
يخلط الطحين مع السكر والملح والمحلب والخميرة
تخفق البيضة جيدا وتخلط مع اللبن والزيت
يمزج الخليطين جيدا حتى يتناسق ثم يضاف كاس الماء او الحليب وتعجن جيدا وكلما اطلتي مدة العجن كلما كانت النتيجة افضل
العجينة ما بتاخد بالفرن اكتر من ربع ساعة
الحشوات
حشوة السبانخ
رح قول طريقة التحضير مع المقادير
يغسل السبانخ جيدا ويفرم فرم ناعم ويوضع في مصفاة
تفرم بصلة جوانح وتوضع فوق السبانخ
يرش كل منهما بالملح وحمض الليمون ويترك تقريبا ربع ساعة ثم يعصر باليد للتخلص من الماء
يفرغ الخليط في صحن ويتبل بحمض ليمون وسماق وثوم بودرة ويضا جبن مبشور اضفت هنا جبن موتزاريلا
حشوة الخضار
جزر وملفوف وبصل وكزبرة خضراء تفرم وتوضع بمصفاة وترش بالملح وتعصر بعد ربع ساعة
وتتبل بمكعب كاري او كاري بودرة وفلفل اأسود
حشوة الفليفلة
نفس الحشوة في هذا الرابط
طبعا هذه الحشوات استعملت لها العجينة المستعل في عجنها الماء
الفطار الي ع شكل مثلثات محشوة بحشوة السبانخ والمدورة كما هو واضح خلطة الفليفلة والمغلقة ع شكل دائرة محشوة بالخضار
اما هذه المعجنات عجنت العجينة بالحليب وطلعت طعم خيال بتعطي نفس طعم المعروك وطبعا ما حشيتها شي لانو اكلناها مع الشاي
ممكن تحشيها تمر ومربى مشمش
جربوها لانها فعلا لذيذة كتير و الاحلى انها غنية
[]
رد مع الاستدلال
كتبت بواسطة milisia
الروابط المفضلة